Business Idea: आपल्या देशातील शेतकरी बांधव (Farmer) अशीही अनेक पिके पिकवत आहे, जी हवामानातील अनिश्चितता (Climate Change) आणि जोखमीशी झुंज देऊन उत्तम उत्पादन देतात. यामुळे देशातील शेतकरी बांधवांना चांगली आणि शाश्वत कमाई (Farmer Income) देखील होत आहे.
मित्रांनो ऑगस्ट महिन्यातील हे विशेष पीक म्हणजे कारळे किंवा खुरसणी (Niger Crop) ज्याकडे तुपाचा उत्तम पर्याय म्हणून पाहिले जाते. मित्रांनो आम्ही आपल्या माहितीसाठी सांगू इच्छितो की, अतिवृष्टीमुळे शेतात पाणी भरले तरी हे पीक 30 दिवस खराब होत नाही आणि या पिकाला जनावरांपासून कोणताही धोका नाही.
यामुळे शेतकरी बांधव या पिकाची शेती (Farming) करण्यास प्राधान्य दाखवतात. मात्र असे असले तरी सर्व शेतकरी बांधव या पिकाच्या शेतीला विशेष फायद्याची मानत नाहीत. हेच कारण आहे की इतके वैशिष्ट्य असूनही, 77 लाख हेक्टरमध्ये घेतले जाणारे हे कारळे पिकं आता केवळ 10 टक्के जमिनीपुरतं मर्यादित झाले आहे.
यामुळे शेतकऱ्यांना त्याच्या लागवडीसाठी प्रोत्साहित केले जात आहे. जाणकार लोक शेतकरी बांधवांना कारळे शेतीसोबत (Niger Farming) मधमाशी पालन (Beekeeping) करण्याचा सल्ला देत आहेतं. जेणेकरून शेतकरी बांधवांना कमी खर्चात चांगले उत्पन्न मिळणार आहे. मित्रांनो आम्ही आपल्या माहितीसाठी इथे नमूद करू इच्छितो की आपल्या भारत सरकारने कारळे किंवा खुरसणीसाठी 6930 रुपये प्रति क्विंटल असा एमएसपी देखील निश्चित केला आहे.
या भागात कारळे शेती करता येते बर…!
मैदानी सपाट जमिनीशिवाय डोंगराळ आणि आदिवासी भागातही कारळे लागवडीतून खूप चांगले उत्पादन मिळू शकते.
सध्या मध्य प्रदेश, ओरिसा, महाराष्ट्र आणि गुजरातमधील अनेक शेतकरी त्याचे पीक लावत आहेत.
मित्रांनो आम्ही तुम्‍हाला सांगू इच्छितो की, याच्‍या लागवडीसाठी जास्त सिंचनाची आवश्‍यकता नसते, सेंद्रिय पद्धतीने पीक घेतल्यावर देखील चांगला नफा मिळू शकतो.
पावसात 30 दिवस पाण्यात बुडून राहिल्यानंतरही खुरसणी किंवा कारळे पीक सडत नसल्याने त्यामध्ये किडी-रोगाचा प्रादुर्भाव होण्याची शक्यता नाही. भटके प्राणीही त्याचे पीक खात नाहीत.
खुरसणी पिकाच्या लागवडीसाठी हेक्टरी 6 ते 7 किलो बियाणे लागते. हे पीक 95 ते 100 दिवसांत पक्व होण्यास तयार होते, त्यामुळे सुमारे 9 क्विंटल उत्पादन होऊ शकते.
खुरसणीची केवळ भारतात लागवडचं केली जात नाही, तर त्यावर प्रक्रिया करून 105 कोटी रुपयांची निर्यातही केली जाते. अमेरिका आणि इथरियासारख्या अनेक देशांमध्ये बर्ड फूड म्हणून याला मोठी मागणी आहे.
या तिन जाती बंपर उत्पादन देतील बर…!
खुरसणी लागवड आणि उत्पादन वाढवण्यासाठी जवाहरलाल नेहरू कृषी विद्यापीठाने तीन सुधारित वाण विकसित केले आहेत. ज्यामध्ये राष्ट्रीय JNS-2016-1115, JNS 215-9 आणि JNS-521 यांचा समावेश आहे. हे वाण रोगास प्रतिरोधक असून 8 क्विंटलपर्यंत उत्पादन देतात.
या सर्व जाती 100 ते 110 दिवसांत काढणीसाठी तयार होतात, ज्यातून 38 टक्के तेल काढता येते. आम्ही आपल्या माहितीसाठी सांगू इच्छितो की जोरदार वारा आणि पाऊस असूनही, या जाती शेतात घट्टपणे टिकून राहतात.
दुप्पट उत्पन्नासाठी कारळे पिकासोबत मधमाशी पालन करा बर…!
कारळे हे तेलबिया पीक आहे ज्यातून 40 टक्के तेल काढता येते. त्याची पिवळी फुले मधमाश्यांना आकर्षित करतात, म्हणून कारळे पिकासह मधमाशी पालन करणे चांगले ठरू शकते.
यासाठी जास्त मेहनत करावी लागत नाही, परंतु शेतात 8 ते 10 मधमाश्यांच्या पेट्या लावाव्या लागतात, त्यातून 3 हजार रुपयांचे फ्लेवर्ड मध उपलब्ध होते. एवढेच नाही तर मधमाश्या कारळे किंवा खुरसणीचे दर्जेदार उत्पादन वाढवण्यासही मदत करतात.
