Ahmednagar News: पावसाळ्याच्या दिवसांमध्ये नदी नाले तसेच धबधब्याच्या ठिकाणी वाहून जाण्याच्या किंवा पाण्यात बुडण्याच्या घटना घडताना आपल्याला दिसून येतात.त्यामध्ये कित्येकजणांना दुर्दैवाने जीवाशी मुकावे लागते.बऱ्याचदा धबधब्यांच्या ठिकाणी फिरायला गेलेल्या पर्यटकांचा देखील धबधब्याच्या पाण्यात बुडून मृत्यू झाल्याच्या घटना आपण ऐकतो.
अगदी याच प्रकारची दुर्दैवी अशी घटना अहमदनगर तालुक्यातील विळद शिवारातील गवळीवाडा या ठिकाणी समीक्षा लाला कुसमुडे या नवनागापूर येथे राहणारी युवती तिच्या मित्र-मैत्रिणींसोबत धबधब्यावर गेली असता दगडावर शेवाळ असल्यामुळे शेवाळावर पाय घसरून ती धबधब्याच्या ठिकाणी खोल पाण्यात पडली व त्यातच तिचा दुर्दैवी मृत्यू झाला.
अहमदनगर तालुक्यातील विळद शिवारामध्ये तरुणीचा बुडून मृत्यू
मित्र-मैत्रिणींसोबत विळद (ता. नगर) शिवारातील गवळीवाडा धबधब्यावर गेलेल्या युवतीचा पाण्यात पडून बुडून मृत्यू झाल्याची घटना घडली आहे. समीक्षा लाला कुसमुडे (वय १७, रा. नवनागापूर), असे मयत युवतीचे नाव आहे.
या प्रकरणी एमआयडीसी पोलीस ठाण्यात आकस्मात मृत्यूची नोंद करण्यात आली आहे. समीक्षा ही गुरुवारी (दि. २६) दुपारी तिच्या तीन ते चार मित्र- मैत्रिणींसोबत विळद शिवारातील गवळीवाडा धबधब्यावर फिरण्यासाठी गेली होती.
ते सर्व जण धबधब्याजवळ असताना समीक्षा एका मोठ्या दगडावर शेवाळ असल्यानेतिचा पाय घसरला ती खोल पाण्यात पडली व त्यात तिचा बुडून मृत्यू झाला. सदरची घटना तिच्या सोबतच्या मित्र- मैत्रिणींन तिच्या घरी सांगितली.
मुलीचा शोध घेतला; परंतू पाणी जास्त असल्याने ती मिळून आली नाही.नातेवाईकांनी एमआयडीसी पोलिसांना शुक्रवारी (दि.२७) सकाळी माहिती दिली. सहायक पोलीस निरीक्षक माणिक चौधरी व पथकाने घटनास्थळी धाव घेतली असता समीक्षाचा मृतदेह मिळून आला.
मृतदेह शवविच्छेदनसाठी जिल्हा रूग्णालयात पाठविण्यात आला असून पोलीस ठाण्यात आकस्मात मृत्यूची नोंद करण्यात आली आहे. अधिक तपास पोलीस करत आहेत.
