उस्मानाबाद : एकीकडे राज्यातील आगामी विधानसभा निवडणूक भाजप आणि शिवसेना एकत्रित लढणार असल्याचं मुख्यमंत्री देवेंद्र फडणवीस वारंवार सांगतात, मात्र दुसरीकडे भाजपने स्वबळावर लढण्याची तयारी केल्याचं समजतं.
विधानसभा निवडणुकीसाठी भाजपने सर्व जागांची चाचपणी सुरु केल्याची चर्चा आहे. सूत्रांच्या माहितीनुसार, भाजपने २८८ विधानसभा मतदारसंघात इच्छुकांच्या मुलाखती सुरु केल्या आहेत. मागील दोन दिवसांपासून सुरु असलेल्या मुलाखतीमध्ये शिवसेनेचे आमदार असलेल्या मतदारसंघातही भाजपच्या मुलाखती पार पडत आहेत.
शिवसेनेच्या ताब्यातील मतदारसंघात भाजपकडून पाच ते दहा जण ईच्छुक असल्याचं कळतं. विशेष म्हणजे भाजपने प्रत्येक इच्छुकांचे अर्ज भरुन घेतले आहेत. भाजप शिवसेनेमधील चर्चेत ५० – ५० चा फॉर्म्युला रहबातल झाल्याचे संकेत भाजपचे प्रदेशाध्यक्ष चंद्रकांत पाटील यांनी काही दिवसांपूर्वी नागपुरात दिले होते.
युतीच्या जागावाटपावर २०१४ ला जिंकलेल्या जागांवर चर्चा होणार नाही, चर्चा फक्त सीटिंग व्यतिरिक्त उर्वरित जागांवर केली जाईल, असं पाटील म्हणाले होते. चंद्रकांत पाटील यांच्या विधानानंतर शिवसेना पक्षप्रमुख उद्धव ठाकरे यांनी त्यांच्यावर निशाणा साधला.
विधानसभेच्या जागांविषयी बोलताना ते म्हणाले की, युतीमधील जागावाटपाचा फॉर्म्युला मी, मुखमंत्री देवेंद्र फडणवीस आणि भाजपाध्यक्ष अमित शाह मिळवून ठरवू. परंतु आता भाजपने सर्वच २८८ मतदारसंघात इच्छुकांच्या मुलाखती सुरु केल्याने, निवडणूक स्वबळावर लढणार असल्याची चर्चा रंगू लागली आहे.
- Apple iPhone 14 : 120Hz डिस्प्ले सह येवू शकतो Apple iPhone 14 सिरीज….
- सोयाबीन @ 7270 ! जाणून घ्या राज्यातील विविध ठिकाणचे सोयाबीन बाजारभाव !
- Health Tips : रात्री झोपण्यापूर्वी या चार गोष्टींचे सेवन विसरून पण करू नका, आरोग्याला हानी पोहोचू शकते
- महसूल मंत्र्याच्या जिल्ह्यातच लाचार-बेजबाबदार अधिकारी कर्मचारीही करताहेत बोगस नियमबाह्य फेरफार नोंदी !
- नगर मनपाचे पहिले आयुक्त बी.डी.सानप यांचे निधन
