अहमदनगर जिल्ह्यातील या तालुक्यात १० वीचा १०० % निकाल

मोफत मराठी बातम्यांसाठी आमचा ग्रुप जॉईन करा
WhatsApp Group Join Now
Telegram Group Join Now

अहमदनगर Live24 टीम, 18 जुलै 2021 :- नेवासे तालुक्यामध्ये २०२०-२१ च्या राज्य माध्यमिक व उच्च माध्यमिक शिक्षण मंडळाच्या इयत्ता दहावीचा निकाल रेकॉर्डब्रेक शंभर टक्के लागला आहे. तालुक्यातील सर्व ५ हजार ८८८ विद्यार्थी पास झाल्यामुळे यावर्षीचा निकाल तालुक्यात शंभर टक्के लागला.

विशेष मुल्यांकन पद्धतीने जाहीर झालेला निकाल सर्वच विद्यार्थी व पालकांना आनंददायी ठरला. कोरोनाचे पार्श्वभूमीवर सगळीकडे दडपण असताना तिसरी लाट येण्याच्या बातम्या येत असताना शिक्षण विभागाने यावेळी मात्र नेवासे तालुक्यातील सर्वच विद्यार्थ्यांना व पालकांना आनंदाची बातमी दिली.

यावर्षी नेवासे तालुक्यातील सर्व शाळा मिळून व उर्दू, इंग्लिश, सेमी इंग्लिश आणि मराठी या चारही मिडियममधून ५ हजार ८८८ विद्यार्थी दहावीच्या परीक्षेत पात्र होते.

परंतु कोरोनाच्या वर्षात शाळा सुरू झाली नाही. परीक्षाही झाली नाही. त्यामुळे मुल्यांकन पद्धतीचा वापर करून मार्क देताना हे विद्यार्थी पास झाले.