5G Services In India : Reliance Jio आणि Bharti Airtel सारख्या दूरसंचार ऑपरेटर त्यांच्या 5G सेवा भारतात (5G services in India) आणण्यासाठी तयार आहेत. आता पुढील आठवड्यात पंतप्रधान नरेंद्र मोदी (Prime Minister Narendra Modi) स्वतः 5G सेवा सुरू करणार असल्याची पुष्टी झाली आहे.
पंतप्रधान 1 ऑक्टोबर 2022 रोजी इंडिया मोबाइल काँग्रेसमध्ये न्यू जनरेशन इंटरनेट सेवा सुरू करणार आहेत. नॅशनल ब्रॉडबँड मिशनने एक ट्विट शेअर केले होते, जे आता हटवण्यात आले आहे. ट्विटमध्ये लिहिले आहे की, “पंतप्रधान नरेंद्र मोदी भारताचे डिजिटल परिवर्तन आणि कनेक्टिव्हिटीला नवीन उंचीवर घेऊन जाणाऱ्या इंडिया मोबाइल काँग्रेस, आशियातील सर्वात मोठ्या तंत्रज्ञान प्रदर्शनात 5G सेवा सादर करतील.
IMC वेबसाइटवर पोस्टर शेअर केले आहे
इंडिया मोबाइल काँग्रेस (IMC) च्या अधिकृत वेबसाइटवर असे सांगण्यात आले आहे की, पंतप्रधान त्यांच्या वार्षिक कार्यक्रमाचा भाग असतील. दूरसंचार विभाग, दळणवळण मंत्रालय आणि भारतीय सेल्युलर ऑपरेटर असोसिएशन (COAI) हे सर्व या कार्यक्रमात सहभागी होणार आहेत. सेवांचे अधिकृत प्रक्षेपण 1 ऑक्टोबर 2022 रोजी होणार असल्याचे उघड झाले आहे.
Jio वापरकर्त्यांना 5G चा लाभ कधी मिळणार?
रिलायन्स जिओने पुष्टी केली आहे की 24 ऑक्टोबर रोजी दिवाळीच्या सणापासून भारतात 5G सेवा सुरू होईल. कंपनीने वार्षिक सर्वसाधारण सभेत (AGM) 2022 मध्ये सांगितले की सुरुवातीला दिल्ली, मुंबई, कोलकाता आणि चेन्नईला 5G चा लाभ मिळेल. कंपनीने पुढील वर्षापर्यंत सर्व Jio वापरकर्त्यांना 5G सेवा देण्याचे लक्ष्य ठेवले आहे.
एअरटेल या महिन्याच्या अखेरीस लॉन्च होईल
एअरटेलने पुष्टी केली आहे की त्यांची 5G सेवा या महिन्याच्या अखेरीपासून सुरू केली जाईल. एअरटेलची 5G सेवा डिसेंबर 2022 पर्यंत सर्व प्रमुख शहरांमध्ये उपलब्ध होईल. एअरटेलचे सीईओ गोपाल विट्टल यांनी सांगितले की यानंतर देशभरात रोलआउट सुरू होईल आणि पुढील वर्षाच्या अखेरीस किंवा मार्च 2024 पर्यंत सर्व वापरकर्त्यांना याचा लाभ मिळेल.