नवी दिल्ली : केंद्र सरकार (Central Govt) 3 ऑगस्ट रोजी होणाऱ्या कॅबिनेट बैठकीत (cabinet meeting) डीएबाबत घोषणा करणार आहे. या घोषणेनंतर कर्मचाऱ्यांना सुमारे 40,968 रुपयांचा थेट लाभ मिळण्याची अपेक्षा आहे.
केंद्रीय कर्मचार्‍यांचा (Central Staff) महागाई भत्ता AICPI आकडेवारीच्या आधारे ठरवला जातो. AICPI च्या आतापर्यंतच्या आकडेवारीनुसार, DA मध्ये 6% वाढ निश्चित असल्याचे मानले जाते. केंद्र सरकार वर्षातून दोनदा महागाई भत्त्यात वाढ करते. सध्या कर्मचाऱ्यांना ३४ टक्के महागाई भत्ता दिला जात आहे.
पगार (salary) किती वाढेल?
3 ऑगस्ट रोजी झालेल्या मंत्रिमंडळ बैठकीत सरकारने 6% डीए वाढवल्यास कर्मचाऱ्यांचा DA 34% वरून 40% होईल. केंद्रीय कर्मचारी अनेक दिवसांपासून फिटमेंट फॅक्टर आणि डीए वाढवण्याची मागणी करत आहेत.
मात्र कोरोना व्हायरसमुळे सरकार गेल्या 1 वर्षापासून त्यांच्या मागण्या पुढे ढकलत आहे. यासोबतच केंद्रीय कर्मचाऱ्यांची गेल्या 18 महिन्यांची डीएची थकबाकी अद्यापही प्रलंबित आहे. या बातमीवर विश्वास ठेवला तर सरकार लवकरच डीएच्या थकबाकीबाबतही निर्णय घेऊ शकते.
उदाहरणार्थ, समजा एखाद्या कर्मचाऱ्याचा मूळ पगार 56,900 रुपये आहे. तर यानुसार, जर नवीन महागाई भत्ता 40% राहिला तर तो प्रति महिना 22,760 रुपये होईल. पूर्वीचा महागाई भत्ता 34% होता जो दरमहा 19,346 रुपये होता.
एकूण वाढलेला महागाई भत्ता 22760-19346 = 3414 रुपये असेल
वार्षिक पगारात वाढ 3414*12 = 40968 रु
जर एखाद्या कर्मचाऱ्याचे मूळ वेतन रु.18,000 असेल. त्यामुळे नवीन महागाई भत्ता 40% राहिला तर त्यानुसार तो दरमहा 7200 रुपये होईल. पूर्वी 34% नुसार ते 6120 रुपये प्रति महिना होते.
त्यानुसार, एकूण वाढलेला महागाई भत्ता 7200 – 6120 = Rs.1080 प्रति महिना आहे. त्याचबरोबर वार्षिक पगारात वाढ रु.1080*12=12960 होईल.