नवी दिल्ली : लडाखच्या (Ladakh) तुरतुक सेक्टरमध्ये (Turtuk Sector) भारतीय लष्कराच्या (Indian Army) वाहनाला अपघात (accident) झाला आहे. वृत्तसंस्था एएनआयने (ANI) दिलेल्या माहितीनुसार, या अपघातात सात जवान शहीद झाले (Seven young martyrs) आहेत, तर अनेक जण गंभीर जखमी झाले आहेत.
वृत्तसंस्था एएनआयने लष्कराच्या सूत्रांच्या हवाल्याने म्हटले आहे की जखमींना सर्वोत्तम वैद्यकीय सेवा सुनिश्चित करण्यासाठी प्रयत्न सुरू आहेत, ज्यात भारतीय हवाई दलाच्या मदतीने अधिक गंभीर जखमींना वेस्टर्न कमांडमध्ये हलविण्याच्या हवाई प्रयत्नांची आवश्यकता आहे.
मिळालेल्या माहितीनुसार, या वाहनात एकूण 26 जवान होते. दरम्यान, गुरुवारी श्योक नदीत पडून सात जवानांचा मृत्यू झाला. घटनेच्या वेळी भारतीय लष्कराचे वाहन परतापूरहून सब सेक्टर हनीफकडे जात होते, अशी माहिती सूत्रांनी दिली.
वाहन रस्त्यावरून घसरल्याने हा अपघात झाला. वाहन रस्त्यावरून घसरले आणि सुमारे 50 ते 60 फूट खाली नदीत पडले. सर्व 26 जवानांना रुग्णालयात नेण्यात आले, जिथे 7 जवानांच्या मृत्यूची पुष्टी झाली.