BSNL Independence Day Offer : दूरसंचार क्षेत्रात बीएसएनएल (BSNL) खाजगी कंपन्यांच्या तुलनेत मागे पडली असली तरी ब्रॉडबँड (broadband) क्षेत्रात त्यांचे वर्चस्व आहे.
कंपनीने स्वातंत्र्य दिनानिमित्त (BSNL Independence Day Offer) काही खास ऑफर्स आणल्या आहेत. यापैकी एक ऑफर फायबर ब्रॉडबँड (fiber broadband plans) प्लॅनसाठी आहे.
कंपनी फक्त 275 रुपयांमध्ये 75 दिवसांची सेवा देत आहे. ही ऑफर सर्व प्लॅन्ससह उपलब्ध नाही. बीएसएनएलची ही ऑफर तीन प्लॅनसह उपलब्ध आहे.
कंपनी बीएसएनएल भारत फायबरच्या 449, 599 आणि 999 रुपयांच्या प्लॅनसह हा फायदा देत आहे. ब्रँडचा 449 रुपयांचा प्लॅन हा एंट्री-लेव्हल ब्रॉडबँड प्लॅन आहे, तर 999 रुपयांचा प्लॅन प्रीमियम प्लॅन आहे. या प्लॅन्सचे फायदे आणि इतर तपशील जाणून घ्या
BSNL Independence Day Offer
वास्तविक, बीएसएनएल या ऑफर अंतर्गत केवळ 275 रुपयांमध्ये 449 आणि 599 रुपयांचे प्लॅन देत आहे. हे प्लॅन 75 दिवसांसाठी उपलब्ध असतील.
यानंतर, वापरकर्त्यांना निवडलेल्या प्लॅनच्या किंमतीनुसार पैसे द्यावे लागतील. बीएसएनएलची ही ऑफर नवीन ग्राहकांसाठी आहे.ग्राहक केवळ केवायसी दरम्यानच प्लॅन निवडू शकतात.
999 रुपयात काय मिळेल?
जर एखाद्या वापरकर्त्याने 999 रुपयांचा प्लॅन निवडला तर त्याची किंमत 775 रुपये असेल. या किंमतीत, वापरकर्त्यांना 75 दिवसांसाठी 999 रुपयांचे प्लॅन मिळत राहतील. हा कंपनीच्या सर्वात लोकप्रिय प्रीमियम प्लॅनपैकी एक आहे. यासह वापरकर्त्यांना OTT फायदे देखील मिळतात.
या प्लॅनमध्ये कोणते फायदे उपलब्ध आहेत?
BSNL च्या 449 रुपयांच्या प्लॅनमध्ये यूजर्सना 30Mbps च्या स्पीडने डेटा मिळेल. यामध्ये ग्राहकांना एकूण 3.3TB मासिक डेटा मिळेल, त्यानंतर वापरकर्त्यांना 2Mbps च्या वेगाने डेटा मिळत राहील. त्याच वेळी, 599 रुपयांच्या रिचार्जमध्ये, ग्राहकांना 60Mbps वेगाने 3.3TB डेटा मिळेल.
999 रुपयांच्या प्लॅनमध्ये यूजर्सना 150Mpbs च्या स्पीडने 2TB डेटा मिळेल. या प्लॅनसह ग्राहकांना Disney + Hotstar, Hungama, Sony LIV, ZEE5, Voot, Yupp TV आणि Lionsgate चे मोफत सबस्क्रिप्शन मिळेल.