Movie Tickets : जर तुम्हाला मल्टिप्लेक्समध्ये (multiplexes) चित्रपट (movies) पहायला आवडत असेल, तर तुमच्यासाठी भारतात (India) अत्यंत परवडणाऱ्या किमतीत चित्रपट पाहण्याची ही सुवर्णसंधी आहे.
मल्टिप्लेक्समध्ये जाणे आणि चित्रपट पाहणे हा अनेक लोकांसाठी महागडा व्यवहार (expensive deal) आहे, त्यामुळे अनेक जण चित्रपटगृहांमध्ये (theatres) चित्रपट पाहण्याची त्यांची योजना पुढे ढकलतात.
मात्र आता 16 सप्टेंबर रोजी, राष्ट्रीय चित्रपट दिनानिमित्त (National Cinema Day) , भारतात राहणाऱ्या प्रत्येक व्यक्तीला फक्त 75 रुपयांमध्ये चित्रपट पाहता येणार आहेत. देशभरात तिकिटाची किंमत 75 रुपये होणार आहे.
ऑफरचा लाभ कसा घ्यावा
तुम्ही रु.75 मध्ये ऑनलाईन तिकीट देखील बुक करू शकता. परंतु तुम्ही हे लक्षात घेतले पाहिजे की जर तुम्ही BookMyShow सारख्या वेबसाइट किंवा प्लॅटफॉर्मवरून तिकिटाचे बुकिंग करत असाल तर त्याच्या किमतीवर अतिरिक्त शुल्क लागू होईल.
ही ऑफर PVR, INOX आणि Cinépolis सारख्या मोठ्या थिएटरमध्ये चित्रपट पाहणाऱ्यांसाठी आहे. त्यामुळे या थिएटरमध्ये रांगेत उभे राहून तुम्ही थेट तिकीट काउंटरवरून तिकीट खरेदी करण्याचा निर्णय घेतल्यास तुम्ही ते फक्त रु.75 मध्ये मिळवू शकता. तुमच्या आवडीचा कोणताही चित्रपट पाहण्याची ही सुवर्णसंधी आहे.