अहमदनगर Live24 टीम, 1 सप्टेंबर 2021 :- रगुती स्वयंपाकाच्या गॅसच्याकिंमतीत सलग तिसऱ्या महिन्यात वाढ करण्यात आली आहे. सरकारी तेल कंपन्यांनी (Oil PSUs) एलपीजी सिलेंडरच्या किंमतीत १० रुपयांनी वाढ केली आहे.
दिल्लीत अनुदानित १४.२ किलो सिलेंडरची किंमत आता ८८४.५० रुपयांवर गेली आहे. पूर्वी राजधानीत सिलेंडर ८५९.२० रुपये होते. १ जुलैपासून सिलेंडरच्या किमतीत ७५.५० रुपयांची वाढ झाली आहे.
जुलैमध्ये त्याची किंमत २५.५० रुपयांनी आणि ऑगस्टमध्ये २५ रुपयांनी वाढली होती. अनुदानित एलपीजीच्या किमतीत १ जानेवारीपासून एकूण सिलेंडरमध्ये १९० रुपयांची वाढ करण्यात आली आहे.
१४.२ किलो अनुदानित सिलेंडरची किंमत आता कोलकातामध्ये ९११ रुपये, मुंबईत ८८४.५० रुपये आणि चेन्नईमध्ये ९००.५० रुपये आहे. सरकारने दरमहा दर वाढवून एलपीजीवरील सबसिडी रद्द केली आहे.
घरगुती एलपीजीची किंमत गेल्या सात वर्षांत दुप्पट झाली आहे. १ मार्च २०१४ रोजी घरगुती गॅसची किरकोळ विक्री किंमत ४१०.५ रुपये प्रति सिलेंडर (१४.२ किलो) होती. दर महिन्याच्या पहिल्या दिवशी, सर्व सरकारी तेल कंपन्या गॅस सिलेंडरच्या किंमती कमी करायच्या, वाढवायच्या की नाही हे ठरवतात.
यापूर्वी १ मे रोजी गॅस कंपन्यांनी एलपीजी सिलेंडरच्या किंमती वाढवल्या होत्या. तेल कंपन्यांनी एप्रिलमध्ये गॅस सिलेंडरच्या किंमतीत १० रुपयांची कपात केली होती. त्याआधी फेब्रुवारी आणि मार्चमध्ये एलपीजी सिलेंडर महाग झाले.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम