Maharashtra Weather Today : यावर्षी प्रत्येक जिल्ह्यामध्ये पावसाने हजेरी लावल्याने अनेक ठिकाणी पूर परिस्थिती (Flood conditions) ओढावली आहे. अशातच पुन्हा एकदा हवामान खात्याने येलो आणि ऑरेंज अलर्ट जारी केला आहे.
यामध्ये आज महाराष्ट्रातील 13 जिल्ह्यांमध्ये येलो अलर्ट (Yellow Alert) जारी केला आहे तर 5 जिल्ह्यांमध्ये ऑरेंज अलर्ट (Orange Alert) जारी केला आहे.
याशिवाय, हवामान खात्याने 21 ऑगस्टला म्हणजेच रविवारी ठाणे, रत्नागिरी, सिंधुदुर्ग, कोल्हापूर, सातारा, अकोला, अमरावती, नागपूर आणि वर्धा येथे अतिवृष्टीच्या अंदाजानुसार यलो अलर्ट जारी केला आहे, तर पुणे आणि रायगडमध्ये ऑरेंज अलर्ट जारी केला आहे.
मान्सून सक्रिय झाल्यानंतर महाराष्ट्रात अधूनमधून पाऊस सुरू आहे. दुसरीकडे, महाराष्ट्रातील हवेचा दर्जा निर्देशांक (Air Quality Index) बहुतांश शहरांमध्ये ‘चांगल्या ते समाधानकारक’ श्रेणीत नोंदवला जात आहे. महाराष्ट्रातील प्रमुख जिल्ह्यांमध्ये शनिवारी हवामान कसे असेल ते जाणून घेऊया.
मुंबई हवामान
आज, शनिवारी मुंबईत (Mumbai weather) कमाल तापमान 30 आणि किमान तापमान 25 अंश सेल्सिअस राहण्याचा अंदाज आहे. आकाश ढगाळ राहील आणि मध्यम स्वरूपाचा पाऊस पडू शकतो. हवेचा दर्जा निर्देशांक ‘चांगल्या’ श्रेणीत 35 वर नोंदवला गेला आहे.
पुणे हवामान
आज पुण्यात (Pune weather) कमाल तापमान 27 आणि किमान तापमान 22 अंश सेल्सिअस राहण्याचा अंदाज आहे. ढगाळ वातावरण असेल आणि हलका पाऊस अपेक्षित आहे. हवेचा दर्जा निर्देशांक ‘चांगल्या’ श्रेणीत 50 वर नोंदवला गेला आहे.
नागपुर हवामान
नागपूरमध्ये कमाल तापमान 30 °C आणि किमान तापमान 24 °C असण्याची अपेक्षा आहे. ढगाळ वातावरण असेल आणि मुसळधार पाऊस पडण्याची शक्यता आहे. त्याच वेळी, हवा गुणवत्ता निर्देशांक 36 आहे, जो ‘चांगल्या’ श्रेणीत येतो.
नाशिक हवामान
नाशिकमध्ये कमाल तापमान 28 अंश सेल्सिअस आणि किमान तापमान 23 अंश सेल्सिअस राहण्याची शक्यता आहे. ढगाळ वातावरण असेल आणि हलका पाऊस पडू शकतो. हवेचा दर्जा निर्देशांक ‘चांगल्या’ श्रेणीत 45 आहे.
औरंगाबाद हवामान
औरंगाबादमध्ये कमाल तापमान 29 अंश सेल्सिअस आणि किमान तापमान 21 अंश सेल्सिअस राहण्याची शक्यता आहे. एक किंवा दोनदा पाऊस किंवा ढगांच्या गडगडाटासह अंशतः ढगाळ वातावरण असेल. हवेचा दर्जा निर्देशांक ‘समाधानकारक’ श्रेणीत 80 आहे.