Tata Safari EV : सध्या सर्वत्र इलेक्ट्रिक कार्सची मागणी वाढली आहे. अशातच ऑटो कंपन्या देखील एकापेक्षा एक इलेक्ट्रिक कार मार्केटमध्ये लॉन्च करताना दिसत आहेत. यामध्ये टाटा मोटर्सचे देखील नाव आहे. भारतीय वाहन बाजारपेठेतील आघाडीची कार उत्पादक कंपनी टाटा मोटर्सने इलेक्ट्रिक कारच्या विक्रीत अव्वल स्थान पटकावले आहे. अशातच आता कंपनी लवकरच आपली आणखी एक नवीन टाटा सफारी ईव्ही लाँच करण्याच्या तयारीत आहे.
मिळालेल्या माहितीनुसार, कंपनीच्या लाइनअपमधील तीन नवीन इलेक्ट्रिक कार Tata Curve EV, Harrier EV आणि इलेक्ट्रिक Tata Safari येत्या काही दिवसांत लॉन्च केल्या जातील. या वर्षाच्या सुरुवातीला टाटा ने नवीन पंच ईव्ही लाँच केली आहे.
टाटा हॅरियर आणि सफारी इलेक्ट्रिक कार अनुक्रमे 2024 आणि 2025 च्या सुरुवातीच्या सणासुदीच्या काळात येण्याची अपेक्षा आहे. सध्या या दोन इलेक्ट्रिक कार्सची सातत्याने चाचणी सुरू आहे. Tata Safari EV नुकतेच रोड टेस्टिंग दरम्यान दिसले आहे. पंच EV आणि Harrier EV नंतर, ब्रँडच्या नवीन Acti.EV प्लॅटफॉर्मवर आधारित ही टाटा इलेक्ट्रिक SUV आहे.
Tata Safari EV डिझाईन
नवीन सफारी EV थ्री-रो इलेक्ट्रिक SUV ची रचना ICE इंजिनवर चालणाऱ्या सफारीसारखी दिसते. आतील भाग देखील नेहमीच्या सफारी प्रमाणेच असेल. तथापि, नवीन सफारी ईव्ही कॉस्मेटिक बदलांसह सादर केली जाईल.
नवीन Tata Safari EV मध्ये 10.25-इंचाचा डिजिटल ड्रायव्हर डिस्प्ले, 12.3-इंचाची टचस्क्रीन इन्फोटेनमेंट सिस्टम, हवेशीर समोर आणि मागील सीट, ड्युअल झोन एसी आणि पॅनोरॅमिक सनरूफ असू शकते.
Tata Safari EV सुरक्षितता वैशिष्ट्ये
प्रत्येक टाटा कारप्रमाणे, नवीन EV देखील उत्तम सुरक्षा वैशिष्ट्यांसह येईल. यामध्ये तुम्हाला ब्लाइंड स्पॉट मॉनिटर, एडीएएस टेक्नॉलॉजी, इलेक्ट्रॉनिक स्टॅबिलिटी कंट्रोल, 7 एअरबॅगसह 360-डिग्री कॅमेरा यांसारखी वैशिष्ट्ये मिळू शकतात.
अहवालानुसार, टाटा सफारी ईव्ही एका चार्जवर सुमारे 500 किमीची रेंज देईल. मात्र, कंपनीने अद्याप बॅटरीच्या पर्यायाबाबत कोणतीही माहिती दिलेली नाही. किंमतीचा विचार करता, ही EV अंदाजे 32 लाख रुपयांच्या सुरुवातीच्या किंमतीसह ऑफर केली जाऊ शकते. ही इलेक्ट्रिक SUV मार्केट मध्ये असलेल्या BYD Atto 3, MG Z-S EV आणि आगामी मारुती सुझुकी EVX आणि Hyundai Creta EVs सारख्या इलेक्ट्रिक वाहनांना आव्हान देईल.