Sidhu Musawala : पंजाब (Punjab) मधील प्रसिद्ध गायक (Famous singers) सिद्धू मुसेवाला याची काही दिवसांपूर्वी गोळ्या घालून हत्या (Murder) करण्यात आली आहे. या हत्येनंतर नवनवीन खुलासे होत आहेत. तपास अधिकाऱ्यांनी गँगस्टर लॉरेन्स बिश्नोई (Gangster Lawrence Bishnoi) यांने हत्येचा कट रचल्याचे सांगितले आहे.
कॅनडातील गोल्डी ब्रारसह (Goldie Brar) त्याच्या टोळीतील सदस्यांनी पंजाबी गायक सिद्धू मुसेवाला यांच्या हत्येचा कट रचला असल्याचे गँगस्टर लॉरेन्स बिश्नोई यांनी तपासकर्त्यांना सांगितले आहे. अधिकाऱ्यांनी शुक्रवारी ही माहिती दिली.
त्यामुळे दोघांमध्ये वैर निर्माण झाले
ते म्हणाले की, चौकशीदरम्यान बिश्नोईने आरोप केला आहे की, अकाली दलाचे युवा नेते विक्रमजीत सिंग उर्फ विकी मिद्दुखेडा यांच्या हत्येमध्ये मूसवालाचा हात होता, त्यामुळे बिश्नोई आणि पंजाबी गायकामध्ये “शत्रुता” निर्माण झाली. बिश्नोई सध्या दिल्ली पोलिसांच्या स्पेशल सेलच्या ताब्यात आहे.
अधिकाऱ्यांच्या म्हणण्यानुसार, बिश्नोई तपासात अजिबात सहकार्य करत नाही आणि मूसवालाच्या हत्येमागे कट रचणाऱ्या त्याच्या टोळीतील सदस्यांची नावे त्याने अद्याप दिलेली नाहीत.
पंजाबमधील मानसा जिल्ह्यात २९ मे रोजी गायक आणि राजकारणी मुसेवाला (२८) यांची काही अज्ञात हल्लेखोरांनी गोळ्या झाडून हत्या केली होती. याच्या एक दिवस आधी पंजाब सरकारने मूसेवालाची सुरक्षा कमी केली होती.
अधिकार्‍यांच्या म्हणण्यानुसार, या प्रकरणाचा तपास करणार्‍या दिल्ली पोलिसांच्या विशेष सेलने बिश्नोईला शस्त्रास्त्र कायद्यांतर्गत दाखल केलेल्या गुन्ह्यात तिहारमधून अटक केल्यानंतर तीन दिवसांसाठी कोठडीत ठेवले आहे.
एका पोलिस अधिकाऱ्याने सांगितले की, “आतापर्यंत बिश्नोई अजिबात सहकार्य करत नाही, पण चौकशीदरम्यान त्याने कबूल केले की त्याचे मुसेवालाशी वैर होते. त्याच्या टोळीतील सदस्यांनी गायकाची हत्या केल्याचा दावाही त्याने केला आहे.
“मुसेवाला यांच्या हत्येचा कट रचणाऱ्या आणि त्यांची हत्या करणाऱ्या टोळीतील एक सदस्य गोल्डी ब्रार होता, असा खुलासा बिश्नोईने केला आहे. मात्र, त्याने अद्याप खऱ्या सूत्रधारांची आणि खुनाच्या गुन्हेगारांची नावे उघड केलेली नाहीत.”
अधिकाऱ्याच्या म्हणण्यानुसार, “बिश्नोईने हत्येमागील हेतूही उघड केलेला नाही. या प्रकरणाशी संबंधित इतर प्रश्नांची उत्तरे देण्यातही तो सहकार्य करत नाही.”