Sidhu Musawala Murder : पंजाब (Punjab) मधील प्रसिद्ध गायक (Famous singers) सिद्धू मुसेवाला (Sidhu Musawala) याची काही दिवसांपूर्वी गोळ्या घालून हत्या (Murder) करण्यात आली आहे. या हत्येनंतर नवनवीन खुलासे होत आहेत. तपास अधिकाऱ्यांनी गँगस्टर लॉरेन्स बिश्नोई (Gangster Lawrence Bishnoi) यांने हत्येचा कट रचल्याचे सांगितले आहे.
गुंड हरजित सिंग पेंटा याच्या हत्येप्रकरणी एका संशयिताला अटक करण्यात आली आहे, ज्याने एप्रिलमध्ये मोगाच्या बाघापुराना येथील मारी मुस्तफा गावात गोळ्या झाडून त्याची हत्या केली होती. लॉरेन्स बिश्नोई टोळीच्या सूचनेनुसार देविंदर बंबीहा गटाचा सदस्य असलेल्या पेंटा याची हत्या करण्यात आली होती.
मुसेवाला हत्याकांडातील पहिली अटक पंजाब पोलिसांनी (Punjab Police) 31 मे रोजी मानसा जिल्ह्यातील धैपे गावातील मनप्रीत भाऊ याला अटक (Manpreet Bhau arrested) केली होती. भाऊने हल्लेखोरांना उपकरणे पुरवल्याचा आरोप आहे.
तीन दिवसांनंतर पंजाब पोलिसांनी हरियाणातील फतेहाबाद येथून गँगस्टर लॉरेन्स बिश्नोईशी संबंध असलेल्या दोघांना अटक केली. पवन बिश्नोई आणि नसीबचे बिश्नोई असे त्यांचे नाव असून त्यांचे या टोळीशी संबंध आहेत. त्याला मोगा जिल्ह्यात एका वेगळ्या प्रकरणात अटकही करण्यात आली होती.
गेल्या वर्षभरापासून दिल्लीच्या तिहार तुरुंगात बंदिस्त असलेल्या बिश्नोईला पाच दिवसांची पोलिस कोठडी सुनावण्यात आली आहे. रिमांड अर्जात, दिल्ली पोलिसांनी मूस वालाच्या हत्येसाठी गुंडाची चौकशी करत आहे की नाही याचा उल्लेख केला नाही. 2021 मध्ये शस्त्रास्त्र तस्करी प्रकरणी दिल्ली पोलिसांनी बिश्नोईला तिहारमधील तुरुंग क्रमांक 8 मधून अटक केली होती.