अहमदनगर Live24 टीम, 31 ऑगस्ट 2021 :-तुम्हीही गुंतवणूकीचा विचार करत आहात? जर याचे उत्तर होय असेल तर याठिकाणी या बातमीद्वारे आम्ही तुम्हाला एलआयसीच्या काही खास प्लॅन बद्दल सांगणार आहोत.
यामध्ये केलेली गुंतवणूक सुरक्षित तर असेलच परंतु तुम्हाला रिटर्नही जबरदस्त मिळेल. एलआयसीच्या अशा 5 योजना ज्यामध्ये गुंतवणूर करून तुम्ही चांगले उत्पन्न मिळू शकता. जाणून घेऊयात याबद्दल
1) कन्यादान पॉलिसी :- मुलीचा पिता होणे ही नशिबाची बाब आहे. प्रत्येक वडील आपल्या मुलीच्या सुरक्षित भवितव्याची चिंता करतात. प्रथम अभ्यासाची आणि नंतर लग्नाची चिंता असते. ही चिंता दूर करण्यासाठी एलआयसीने एक योजना सुरू केली आहे. ज्याचे नाव एलआयसी कन्यादान पॉलिसी आहे.
ही योजना मुलीच्या भविष्य घडविण्यासाठी बनविण्यात आली आहे. या योजनेत कोण कसा सामील होऊ शकतो आणि त्याचे काय फायदे आहेत हे जाणून घेऊ- मुलींच्या लग्नासाठी एलआयसीने एक अतिशय महत्वाची योजना सुरू केली आहे. या योजनेस कन्यादान पॉलिसी असे नाव देण्यात आले आहे.
पॉलिसीची 25 वर्षे पूर्ण झाल्यानंतर 27 लाख रुपये दिले जातील. कन्यादान पॉलिसी 25 वर्षाची असेल आणि जे मुलीचे नवे पॉलिसी घेतात त्यांचे वय 30 वर्षे असावे. पॉलिसीनुसार मुलीचे वय किमान 1 वर्षाचे असावे. या पॉलिसीची मुदत मुलीच्या वयानुसार कमी केली जाईल. एखाद्या व्यक्तीला जास्त किंवा कमी पैसे द्यायचे असल्यास ते या पॉलिसी योजनेत सामील होऊ शकतात.
किती गुंतवणूक ? :- ही पॉलिसी खरेदी करण्यासाठी तुम्हाला फक्त 121 रुपये खर्च करावे लागतील. मग, त्यानंतर त्यांच्या शिक्षणापासून ते लग्नापर्यंतच्या चिंतेपासून मुक्त व्हाल. जर आपण हे पॉलिसी घेत असाल तर आपल्याला दररोज केवळ 121 रुपये जमा करावे लागतील. म्हणजेच तुम्हाला दरमहा सुमारे 3600 रुपये प्रीमियम भरावा लागतो. पॉलिसी पूर्ण झाल्यानंतर, म्हणजेच 25 वर्षांनंतर आपल्याला आपल्या मुलीच्या कन्यादान साठी 27 लाख रुपये मिळतील. इतकेच नव्हे तर एलआयसीत पॉलिसीमध्ये डेथ बेनिफिटचा समावेश आहे.
वयोमर्यादा काय आहे ? :- प्रत्येकजण ही योजना घेऊ शकत नाही. उलट कंपनीने एसआयसी कन्यादान पॉलिसीसाठी वयोमर्यादा निश्चित केली आहे. पॉलिसी घेण्याकरिता तुमचे वय किमान 30 वर्षे असणे आवश्यक आहे. त्याचबरोबर मुलीचे वय देखील कमीतकमी 1 वर्ष असले पाहिजे. एक फायदा असा देखील आहे की पॉलिसी 25 वर्षांसाठी उपलब्ध असेल, परंतु आपल्याला केवळ 22 वर्षांसाठी प्रीमियम भरावा लागेल. तथापि, हे लक्षात ठेवा की मुलीच्या वयानुसार या पॉलिसीची मुदत कमी केली जाते.
काय आहेत अटी ? – या पॉलिसी अंतर्गत गुंतवणूक करायची असेल तर वय कमीतकमी 30 वर्षे असणे बंधनकारक आहे. तसेच मुलीचे वय कमीतकमी 1 वर्ष असणे गरजेचे आहे. मुलीचे वय जेवढे जास्त असेल तेवढी या पॉलिसीची कालमर्यादा कमी होईल. ग्राहकांना परवडेल असे आकर्षक प्रिमियम या पॉलिसामध्ये उपलब्ध आहेत. 3 वर्षे प्रिमियम भरल्यानंतर विमाधारकाला या पॉलिसीवर कर्ज घेता येईल.
2)जीवन लाभ पॉलिसी :- एलआयसीच्या या योजनेत तुम्हाला दरवर्षी 1 लाख रुपये जमा करावे लागतात, जे तुम्ही दरमहा आधारावर देखील जमा करू शकता. हे पैसे 10 वर्षांसाठी जमा करावे लागतील आणि 10 वर्षात तुम्ही कंपनीला 10 लाख रुपये द्याल. यानंतर, कंपनी पुढच्या 6 वर्षांसाठी तुमच्या खात्यामध्ये पैसे जमा करतील. म्हणजेच, तुम्हाला फक्त 10 वर्षे पैसे जमा करावे लागतील आणि 6 वर्षे प्रतीक्षा करावी लागेल. यानंतर, पॉलिसी सुरू केल्याच्या 16 वर्षानंतर तुम्हाला पैसे परत मिळतील. अशा परिस्थितीत जर तुम्ही दरवर्षी 1 लाख रुपये जमा केले तर 16 वर्षानंतर तुम्हाला 20 लाख रुपये मिळतील. यामध्ये कंपनीच्या वतीने जोखीम संरक्षण देखील दिले जाते.
3) जीवन आनंद पॉलिसी :- एलआयसीच्या या पॉलिसीचा टेबल क्रमांक म्हणजे एलआयसीमधील पॉलिसी क्रमांक ९१५ आहे. या पॉलिसीमध्ये प्रिमियम टर्म आणि पॉलिसी टर्म समान आहेत. म्हणजेच जितक्या वर्षांची पॉलिसी असेल तितक्या वर्षांसाठी प्रिमियम भरावा लागेल. या पॉलिसीसाठी वयाची पात्रता, किमान १८ वर्षे आणि कमाल ५० वर्षे आहे. कमाल मॅच्युरिटीचे वय ७५ वर्षे आहे. पॉलिसीचा कालावधी १५ वर्षांपासून ३५ वर्षांपर्यतचा आहे. पॉलिसीचा कालावधी असेल तितकाच प्रिमियमचा कालावधी असणार आहे.
जीवन आनंद पॉलिसीची वैशिष्ट्ये
– या योजनेमध्ये 25 वर्षाच्या कालावधीनंतर परतावा मिळतो
– या योजनेत गुंतवणूक करण्यासाठी वयोमर्यादा 18 वर्षे आणि त्याहून अधिक असणे आवश्यक आहे.
– या पॉलिसीत गुंतवणूक आणि विमा असे दोन्ही फायदे मिळतात
– या पॉलिसीनुसार संबंधित व्यक्तीला किमान एक लाख रुपये मिळण्याची हमी आहे.
– या पॉलिसीत कमाल रक्कमेसाठी कोणतीही मर्यादा नाही – जीवन आनंद पॉलिसीसाठी 15 ते 35 वर्षे मुदत ठरवण्यात आली आहे.
4) जीवन शांती पॉलिसी :- या पॉलिसीची खास गोष्ट म्हणजे यात आपणास संरक्षण आणि बचत मिळते. सेवानिवृत्तीनंतर आपल्याला 74,300 रुपये वार्षिक पेन्शन आयुष्यभर मिळत राहते. या पॉलिसीचे संपूर्ण तपशील काय आहेत याची माहिती जाणून घेणार आहोत. एलआयसीची ही योजना खूप लोकप्रिय आहे, म्हणून आधीची पॉलिसी बंद झाल्यानंतर ती पुन्हा ती नव्यानं सुरू करण्यात आलीय. नवीन जीवन शांतीच्या नावाने आता ही पॉलिसी ओळखली जाते.
या योजनेचे वैशिष्ट्य म्हणजे ती एकल प्रीमियम वार्षिक योजना आहे. या योजनेत एकदाच मोठ्या रकमेची गुंतवणूक करता येते. यानंतर एलआयसीच्या या पॉलिसीमध्ये निश्चित कालावधीसाठी आपल्याला आजीवन पैसे मिळणार आहेत. आपण हा फायदा मासिक, त्रैमासिक, सहामाही आणि वार्षिक मिळवू शकता. या रकमेला एन्युइटी म्हणतात. एलआयसीच्या नवीन जीवन शांती योजनेतून वार्षिक गुंतवणूक करता येते. संयुक्त जीवन आणि शेवटच्या एन्युइटी धारकाच्या मृत्यूनंतर खरेदी किंमत परताव्यासाठी त्वरित एन्युइटीमध्ये कोणत्याही एन्युइटीधारकाचे अस्तित्व टिकून राहण्यापर्यंत 100% आहे.
5) जीवन उमंग पॉलिसी ;- जर आपण जोखीम न घेता गुंतवणूक करण्याची योजना आखत असाल तर आपण एलआयसीच्या जीवन उमंग पॉलिसीमध्ये गुंतवणूक करू शकता. या पॉलिसीमध्ये गुंतवणूक करून तुम्हाला उच्च उत्पन्न मिळू शकेल. ही एंडोमेंट प्लान आहे आणि 15 वर्ष ते 55 वर्षे वयोगटातील लोक ते खरेदी करू शकतात. या योजनेचे वैशिष्ट्य म्हणजे ते 100 वर्षांपर्यंतचे कवर प्रदान करते. पॉलिसीधारकाचा मृत्यू झाल्यास, कुटुंबास एकमुखी रक्कम दिली जाते अर्थात पॉलिसीधारकाच्या मृत्यूवर भरलेला प्रीमियम नामनिर्देशित व्यक्तीला परत केला जातो. या पॉलिसीमध्ये प्रीमियम भरण्याची मुदत 15, 20, 25 आणि 30 वर्षे आहे.
प्रीमियमच्या शेवटी, संपूर्ण हप्ते भरल्यानंतर पॉलिसीधारकास गॅरंटीसह न्यूनतम राशि दिली जाते. म्हणजेच जर तुम्ही सर्व हप्ते योग्य वेळी जमा केले तर सर्व हप्ते भरल्यानंतर तुम्हाला परतावा मिळतो. विमा परतावापैकी 8% रिटर्न दरवर्षी आयुष्यभर उपलब्ध असेल. जर एखाद्या व्यक्तीने वयाची 100 वर्षे पूर्ण केली तर कंपनी एकरकमी रक्कम विमाधारकास देईल. इतकंच नाहीतर वयाच्या 100 व्या वर्षी पॉलिसीधारकास सम अ‍ॅश्युअर्ड, सिंपल रिव्हर्शनरी बोनस आणि अंतिम एडिसन बोनस दिला जाईल.