Weight Loss Tips : वजन कमी करण्याचे अनेक मार्ग आहेत. मात्र अशा वेळी योग्य सल्ला देखील असणे गरजेचे आहे. भारतातील प्रसिद्ध पोषण तज्ज्ञ (Expert) निखिल वत्स (Nikhil Vats) यांनी सांगितले की, काही मसाले खाल्ल्याने पोटही कमी होऊ शकते.
टेस्ट वाढवण्यासाठी आपण अनेकदा मसाल्यांचा वापर (Use of spices) करतो, पण त्यातही अनेक आयुर्वेदिक गुणधर्म आढळतात जे आपल्या आरोग्यासाठी (Health) खूप फायदेशीर असतात.
हे मसाले खाल्ल्याने वजन कमी होईल
1. जिरे
जिरे भाजीत मिसळले तर त्याची चव जास्त चांगली येते. हा मसाला खाल्ल्याने इन्सुलिनच्या संवेदनशीलतेत बदल होऊ लागतात. यामध्ये असलेल्या फायटोस्टेरॉलच्या मदतीने खराब कोलेस्ट्रॉल कमी करता येते. जर तुम्हाला वजन कमी करायचे असेल तर तुम्ही जिऱ्याचे पाणी पिऊ शकता. जिरेपूड दही किंवा ताकामध्ये मिसळून खाणे देखील फायदेशीर आहे.
2. हळद
हळदीशिवाय पाककृतीमध्ये चव येत नाही आणि रंगही येत नाही, ती खाल्ल्याने शरीरातील जळजळ कमी होते आणि त्याचबरोबर अनेक विषारी पदार्थ बाहेर पडतात. या मसाल्याच्या मदतीने चयापचय नियंत्रित केले जाऊ शकते, जे वजन कमी करण्यासाठी प्रभावी आहे. यासाठी हळदीचे दूध प्यायल्यास खूप फायदा होतो.
3. काळी मिरी
काळी मिरी खाल्ल्याने चरबीच्या पेशींची निर्मिती प्रक्रिया मोठ्या प्रमाणात थांबते, ज्यामुळे पोट आणि कंबरेवर चरबी जमा होत नाही. यासाठी तुम्ही काळी मिरी चहा पिऊ शकता, तसेच त्याची पावडर सॅलडमध्ये किंवा उकडलेल्या अंड्यांमध्ये टाकून खाऊ शकता.
4. दालचिनी
दालचिनी पोटाची आणि कंबरेची चरबी कमी करण्यासाठी खूप उपयुक्त आहे, ती साखरेचे चरबीमध्ये रूपांतर होण्यापासून प्रतिबंधित करते, ज्यामुळे पोटाची चरबी जमा होत नाही, यासाठी तुम्ही दालचिनी आणि कमी चरबीयुक्त दूध पिऊ शकता.