Papaya Seeds Benefits : खाण्यापिण्याच्या चुकीच्या सवयी आणि खराब जीवनशैलीमुळे अनेक आरोग्य समस्या उद्भवतात. अशास्थितीत आहाराची विशेष काळजी घेण्याची गरज असते. पोटाशी संबंधित सर्व समस्या खाण्याच्या सवयींमध्ये गडबड झाल्यामुळे होतात.
बद्धकोष्ठता हा देखील पोट आणि पचनसंस्थेशी संबंधित एक गंभीर आजार आहे. हा आजार दीर्घकाळ राहिल्यास रुग्णाला मूळव्याधासह इतर अनेक आजारांचाही धोका असतो. या आजारात पोट व्यवस्थित साफ होत नाही आणि त्यामुळे अपचन आणि जडपणा जाणवतो. बद्धकोष्ठतेपासून मुक्त होण्यासाठी आहार आणि जीवनशैलीत बदल करण्याचा सल्ला दिला जातो. अशा परिस्थितीत तुम्ही पपईच्या बियाचे सेवन करू शकता. याच्या सेवनाने बद्धकोष्ठतेपासून अराम मिळतो.
बद्धकोष्ठतेमध्ये पपईच्या बिया खाण्याचे फायदे :-
पपई हे पोषक तत्वांनी समृद्ध फळ आहे, ज्याचे सेवन पचनसंस्था निरोगी ठेवण्यासाठी आणि शरीराच्या अनेक गंभीर समस्यांवर फायदेशीर मानले जाते. पपईचे नियमित सेवन केल्याने शरीरात पोषक तत्वांची कमतरता होत नाही. पचनसंस्थेशी संबंधित समस्या असल्यास डॉक्टर पपईचे सेवन करण्याचा सल्ला देतात. पण तुम्हाला माहित आहे का की केवळ पपईच नाही तर त्याच्या बिया देखील बद्धकोष्ठतेपासून आराम मिळवण्यासाठी फायदेशीर आहेत.
पपईच्या बियांमध्ये रेचक गुणधर्म असतात, जे बद्धकोष्ठतेच्या रुग्णांसाठी खूप फायदेशीर असतात. याशिवाय पपईच्या बियांमध्ये विरघळणारे फायबर देखील असते, जे पोट निरोगी ठेवण्यास मदत करते. एवढेच नाही तर पपईमध्ये आढळणारे पपेन नावाचे एन्झाइम पचनक्रिया मजबूत करण्यास आणि अन्न लवकर पचण्यास मदत करते.
बद्धकोष्ठतेमध्ये पपईच्या बिया कशा खाव्यात?
बद्धकोष्ठता सारख्या पचनसंस्थेशी संबंधित गंभीर समस्यांपासून सुटका मिळवण्यासाठी पपईच्या बिया वाळवून त्याची पावडर बनवा. हे चूर्ण गरम किंवा कोमट पाण्यात मिसळून रोज सकाळी सेवन केल्याने बद्धकोष्ठतेपासून आराम मिळतो. जीवनसत्त्वे, प्रथिने, फायबर, कॅल्शियम यासह अनेक खनिजे पपईच्या बियांमध्ये आढळतात. याचे नियमित सेवन शरीरासाठी खूप फायदेशीर आहे.
लक्षात ठेवा, पपईच्या बियांचे सेवन प्रत्येकासाठी फायदेशीर नाही. याचे सेवन केल्याने काही लोकांना ऍलर्जी, पोटदुखी आणि सूज यासारख्या समस्या उद्भवू शकतात. अशा परिस्थितीत डॉक्टरांच्या सल्ल्याशिवाय त्याचे सेवन करणे टाळावे. कोणत्याही रोग किंवा समस्येसाठी पपई बियाणे वापरण्यापूर्वी, त्याच्या डोस आणि वापरण्याच्या पद्धतीबद्दल डॉक्टरांचा सल्ला घ्या.