Foods to Avoid Empty Stomach : तुम्ही तुमच्या वडिलांकडून ऐकले असेलच की, सकाळचा नाश्ता हा आपल्या दिवसभराचे पहिले जेवण असते, त्यामुळे दिवसभर उत्साही राहण्यासाठी हेल्दी ब्रेकफास्ट करणं गरजेचं आहे. अनेक घरांमध्ये नाश्त्यात पराठे किंवा छोले-भटूरे खाल्ले जातात.
अशाप्रकारचा, नाश्ता तुम्हाला दिवसभर सुस्त आणि जड वाटू शकतो. त्याचप्रमाणे नाश्त्यामध्ये जर तुम्ही फळे खाल्ली तर तुम्हाला सक्रिय वाटते. असे अनेक खाद्यपदार्थ आहेत जे आपल्याला आरोग्यदायी वाटतात. पण रिकाम्या पोटी या गोष्टींचे सेवन केल्याने पचनाशी संबंधित समस्या उद्भवू शकतात. याबाबत आज आपण पूर्ण माहिती जाणून घेणार आहोत.
रिकाम्या पोटी ‘या’ गोष्टी खाणे टाळा !
चहा आणि कॉफी
तुम्ही रिकाम्या पोटी चहा किंवा कॉफीचे सेवन केल्यास आम्लपित्त किंवा बद्धकोष्ठता होऊ शकते. या दोन्हीमध्ये कॅफिन जास्त प्रमाणात आढळते, ज्यामुळे मेंदूवरही परिणाम होतो. जेव्हा आपला मेंदू काही ऍसिडमुळे सक्रिय होतो, तेव्हा त्याचा मेंदूच्या कार्यक्षमतेवरही नकारात्मक परिणाम होतो. म्हणून रिकाम्या पोटी चहा किंवा कॉफीचे सेवन शक्यतो टाळा.
कच्च्या भाज्या
काही लोकांना रिकाम्या पोटी कच्च्या भाज्या खायला आवडतात. पण याचा पचनसंस्थेवर वाईट परिणाम होतो. भाज्यांमध्ये जास्त प्रमाणात फायबर असते, ते रिकाम्या पोटी खाल्ल्यास अपचन किंवा बद्धकोष्ठता होऊ शकते.
साखरेचे पदार्थ
जर तुम्ही सकाळी रिकाम्या पोटी साखरयुक्त पदार्थ खाल्ले तर त्यामुळे तुम्हाला दिवसभर थकवा आणि सुस्त वाटू शकते. याव्यतिरिक्त, साखरेचे सेवन केल्याने तुमची साखर वाढू शकते, अशास्थितीत सकाळी असे पदार्थ खाणे टाळले पाहिजे.
लिंबूवर्गीय फळे
जर तुम्ही द्राक्षे, संत्री किंवा आवळा यांसारखी फळे रिकाम्या पोटी खात असाल तर ते तुमचे पचन बिघडू शकते. आंबट फळे रिकाम्या पोटी खाल्ल्याने पोटात ॲसिड तयार होते. यामुळे तुम्हाला पोटदुखी, आम्लपित्त किंवा आंबट ढेकर यासारख्या समस्या होऊ शकतात.
पचन व्यवस्थित ठेवण्यासाठी, तुमच्या सकाळच्या नाश्त्यामध्ये प्रथिने आणि निरोगी आहार घेणे सुरू करा. हे तुम्हाला दिवसभर सक्रिय राहण्यास मदत करेल आणि तुम्हाला लवकर भूकही लागणार नाही.