Honey Benefits : मध हे आपल्या शरीरासाठी खूप फायदेशीर मानले जाते. मध औषधी गुणधर्मांची समृद्ध आहे. आयुर्वेदात मधाचा वापर अनेक गंभीर समस्यांवर औषध म्हणून केला जातो. मधामध्ये असलेले गुणधर्म शरीराला संसर्ग, सर्दी आणि खोकल्यापासून वाचवण्यास मदत करतात तसेच रोगप्रतिकारशक्ती वाढवतात. याशिवाय मधामध्ये असलेले गुणधर्म त्वचा आणि केसांसाठीही खूप फायदेशीर आहेत. मधामध्ये नैसर्गिक गोडवा असतो, याचे सेवन मधुमेही रुग्णही करू शकतात.
खोकला, सर्दी आणि वजन कमी करण्यासाठी मधाचे सेवन करणे खूप फायदेशीर मानले जाते. मधामध्ये असलेले कार्बोहायड्रेट, नियासिन, व्हिटॅमिन बी, व्हिटॅमिन सी आणि अमिनो अ‍ॅसिड्स इत्यादी पोषक तत्व शरीरासाठी खूप फायदेशीर असतात.मधाचे फायदे जरी जास्त असले तरी देखील मध खाण्याची योग्य पद्धत आपल्याला माहित पाहिजे. जेणेकरून आपल्याला त्याचा जास्त फायदा होईल. आज आम्ही तुम्हाला मध खाण्याची योग्य पद्धत कोणती? ते सांगणार आहोत.
मधामध्ये असलेल्या औषधी गुणधर्मांमुळे, आयुर्वेदात त्याचा उपयोग अत्यंत शक्तिशाली औषध म्हणून केला जातो. हे प्राचीन काळापासून औषध म्हणून वापरले जात आहे. त्वचेशी संबंधित समस्या असोत किंवा कोणत्याही आजारापासून सुटका हवी असेल, मधाचा वापर खूप फायदेशीर आहे. मधामध्ये अँटी-बॅक्टेरियल आणि अँटी-सेप्टिक गुणधर्म आढळतात. पण कोणत्याही गोष्टीचे सेवन करणे तुमच्यासाठी तेव्हाच फायदेशीर ठरेल जेव्हा तुम्ही त्याचे योग्य सेवन केले. बहुतेक लोक मधाचे सेवन चुकीच्या पद्धतीने करतात. असे केल्याने तुम्हाला काही फायदा होत नाही. मधाचा पूर्ण लाभ मिळवण्यासाठी त्याचे सेवन योग्य प्रकारे केले पाहिजे.
मध खाण्याचा योग्य मार्ग म्हणजे सकाळी मध खाणे. सकाळी मध खाल्ल्याने दुप्पट फायदा होतो. सामान्य तापमानाच्या पाण्यात मध मिसळून खाल्ल्यास अधिक फायदे होतात. याशिवाय तुम्ही मधात काहीही न मिसळता सेवन करू शकता. मधात काळी मिरी किंवा दालचिनी मिसळूनही सेवन करता येते. बरेच लोक गरम पाण्यासोबत मधाचे सेवन करतात. गरम पाण्यात मध मिसळून खाल्ल्याने फायद्याऐवजी नुकसान होऊ शकते आणि तुम्हाला त्याचा पूर्ण फायदा होऊ शकत नाही.
मध खाण्याची चुकीची पद्धत कोणती?
मधाचे सेवन करताना काही चुकांमुळे तुम्हाला गंभीर नुकसान सहन करावे लागू शकते. यामुळे तुम्हाला काही फायदाही मिळत नाही. मध पाण्यात किंवा कोणत्याही गरम द्रवात मिसळून सेवन करू नये. याशिवाय मधाचे सेवन तुपात समान प्रमाणात मिसळून कधीही करू नये. मध शिजवल्यानंतर किंवा गरम केल्यानंतर त्याचे सेवन हानिकारक मानले जाते.
टीप : लक्षात घ्या उष्णतेमध्ये मधाचे सेवन केल्यास अनेक समस्या उद्भवू शकतात.