Samsaptak Rajyog : ज्योतिष शास्त्रानुसार राहू केतू आणि शनी हे सर्वात महत्वाचे ग्रह मानले जातात. जेव्हा-जेव्हा शनि आपली राशी बदलतो, तेव्हा त्याचा इतर राशींवर सकारात्मक आणि नकारात्मक असा परिणाम जाणवतो. सध्या शनि स्वराशी कुंभ राशीत विराजमान आहे, अशातच चंद्र 30 ऑगस्टला कुंभ राशीत प्रवेश करत आहे, अशा स्थितीत शनि आणि चंद्राच्या संयोगामुळे विष योग तयार होत आहे, जो 1 सप्टेंबरपर्यंत राहणार आहे.
पंचागानुसार, चंद्र 30 ऑगस्ट रोजी सकाळी 10.19 वाजता कुंभ राशीत प्रवेश करेल आणि 1 सप्टेंबर रोजी सकाळी 9.36 वाजता मीन राशीत जाईल. या योगामुळे मानसिक तणाव, निराशा, चिंता, नैराश्य आणि इतर अनेक समस्या निर्माण होतात. त्याचबरोबर सूर्य आणि चंद्रापासून अमावस्या योगही तयार होणार असून त्यामुळे अडचणी निर्माण होऊ शकतात, याशिवाय सूर्य आणि शनि समोरासमोर आल्याने संसप्तक योग तयार झाला आहे, अशा स्थितीत काही राशीच्या लोकांना 17 सप्टेंबरपर्यंत काळजी घ्यावी लागेल.
वृषभ
शनि आणि चंद्राच्या योगाने या राशीच्या लोकांना सावधगिरी बाळगणे आवश्यक आहे. नोकरदारांना अडचणींचा सामना करावा लागू शकतो. कोणाशी तरी मतभेद होऊ शकतात. या काळात सावध राहण्याची गरज आहे. एकटेपणा जाणवू शकतो, काळजीने घेरले जाऊ शकते. नोकरी मिळण्यास किंवा पदोन्नती मिळण्यास विलंब होऊ शकतो. हा काळ कामाच्या ठिकाणी सावध राहण्याचा असेल.
कर्क
या काळात खूप सावध राहावे लागेल. वाहन चालवताना किंवा प्रवास करताना विशेष काळजी घेण्याची गरज आहे. अपघात होऊ शकतो, म्हणून वाहन सावकाश चालवण्याचा सल्ला दिला जातो. या काळात मानसिक तणावाचा सामना करावा लागू शकतो. कामात अपयश येऊ शकते.
कुंभ
या योगामुळे कुंभ राशीच्या लोकांची चिंता वाढू शकते. मानसिक व शारीरिक तणावाचा सामना करावा लागू शकतो. कोणतेही काम पूर्ण होण्यास विलंब होऊ शकतो. थोडी काळजी घेणे आवश्यक आहे. वैवाहिक जीवनावरही नकारात्मक परिणाम होईल आणि वाद-विवादांना सामोरे जावे लागू शकते. सूर्य आणि चंद्राच्या संयोगाने तयार झालेला अमावस्या योग देखील नुकसानास कारणीभूत ठरू शकतो. रागावर नियंत्रण ठेवल्यास नको असलेले वाद टाळता येतील. याचा तुमच्या व्यावसायिक आणि वैयक्तिक आयुष्यावर वाईट परिणाम होऊ शकतो.
सिंह
वैवाहिक आणि व्यावसायिक जीवनात या लोकांना सावधगिरी बाळगणे आवश्यक आहे. या काळात व्यापार क्षेत्रात धनहानी होऊ शकते. भागीदारीत होत असलेल्या व्यवसायातही अनेक प्रकारची आव्हाने उभी राहू शकतात. शनि आणि चंद्राच्या काळात संयम बाळगणे आणि आर्थिक क्षेत्रात पूर्ण काळजी घेणे आवश्यक आहे.
मकर
संसप्तक योगाचे नकारात्मक परिणाम होऊ शकतात. स्थानिक न्यायिक प्रकरणांमध्ये अडकू शकतात. त्यामुळे तणाव वाढणार आहे. यासोबतच आर्थिक स्थितीवरही नकारात्मक परिणाम होण्याची चिन्हे आहेत. तसेच, विरोधी पक्ष वरचढ होऊ शकतो, त्यामुळे या काळात अधिक काळजी घेणे आवश्यक आहे.
कन्या
राशीच्या लोकांनाही संसप्तक योगाची काळजी घ्यावी लागेल. या काळात आर्थिक क्षेत्रावर परिणाम होईल, खर्च वाढू शकतो. त्यासाठी कर्जही घ्यावे लागेल. आरोग्याशी संबंधित समस्या उद्भवू शकतात. म्हणून काळजी घेण्याची गरज आहे. तणावाची स्थिती राहू शकते, मन विचलित राहू शकते. कामगिरीवर परिणाम होऊ शकतो.
