Surya Nakshatra Gochar : सूर्य हा ग्रहांचा राजा मानला जातो. कुंडलीतही सूर्य ग्रह महत्त्वाची भूमिका बजावतो. जेव्हा-जेव्हा सूर्य आपली रास बदलतो तेव्हा-तेव्हा त्याचा इतर राशींवर परिणाम दिसून येतो. दरम्यान, ज्योतिष शास्त्रानुसार 14 सप्टेंबरला सूर्य 27 तारकांपैकी एक उत्तरा फाल्गुनी नक्षत्रात प्रवेश करणार आहे, त्यानंतर 17 सप्टेंबरला कन्या राशीत प्रवेश करेल आणि 18 ऑक्टोबरला तूळ राशीत प्रवेश करणार आहे.
अशाप्रकारे, सप्टेंबर-ऑक्टोबरमध्ये सूर्याच्या राशी बदलामुळे अनेक राशींना विशेष लाभ मिळणार आहे. याशिवाय ऑक्टोबरमध्ये बुधाचे संक्रमण होणार आहे, ज्यामुळे सूर्याचा संयोग होतो आहे आणि यामुळे बुधादित्य राजयोग तयार होत आहे.
बुधादित्य राजयोग म्हणजे काय?
वैदिक ज्योतिष शास्त्रानुसार आदित्य म्हणजे सूर्य, अशा प्रकारे जेव्हा सूर्य आणि बुध हे दोन्ही ग्रह कुंडलीत एकत्र असतात तेव्हा बुधादित्य योग तयार होतो. बुधादित्य योग कुंडलीत ज्या घरामध्ये असतो त्या घराला बळ देतो. कुंडलीत बुध आणि सूर्य एकत्र आल्यास विशेष परिणाम प्राप्त होतात. सूर्यमालेत बुध हा सूर्याच्या सर्वात जवळचा ग्रह आहे, अशा स्थितीत बुध आणि सूर्य बहुतेक वेळा कुंडलीत एकत्र दिसतात. ज्या व्यक्तीच्या कुंडलीत बुधादित्य योग तयार होतो तेव्हा त्याला धन, सुख, वैभव प्राप्त होते. आणि समाजात आदर मिळतो.
सूर्याच्या संक्रमणामुळे या राशींना होणार फायदा :-
मिथुन
या काळात मिथुन राशीच्या लोकांना कामात यश मिळेल. तसेच रखडलेल्या कामांना गती मिळेल. नोकरीसाठी ही वेळ चांगली राहील, या काळात काही मोठी जबाबदारी किंवा पदोन्नती मिळू शकते. आर्थिक लाभ होण्याची देखील दाट शक्यता आहे, उत्पन्नाचे नवीन स्रोत उघडतील. गुंतवणुकीसाठी ही वेळ उत्तम असेल, चांगला परतावा मिळण्याची पूर्ण शक्यता आहे. आर्थिक लाभही होऊ शकतो. प्रवासाची शक्यता आहे. या प्रवासातून तुम्हाला फायदा देखील होऊ शकतो.
सिंह
राशीत सूर्याचा बदल लाभदायक ठरू शकतो. समाजात मान-सन्मान वाढेल. विद्यार्थी आणि नोकरदारांसाठी हा काळ उत्तम राहील. स्पर्धा परीक्षांची तयारी करणाऱ्यांना यश मिळू शकते. तसेच नोकरी करणाऱ्यांना चांगली बातमी मिळू शकते. उत्पन्नाचे नवीन स्रोत उघडतील. अनेक दिवसांपासून प्रलंबित असलेली कामे पूर्ण मार्गी लागतील. तसेच कन्या राशीतील सूर्याचे संक्रमण आर्थिक आणि व्यावसायिक क्षेत्रात प्रगतीच्या नवीन संधी देऊ शकतात. या कालावधीत, व्यक्तीला नशिबाची पूर्ण साथ मिळेल आणि बरेच दिवस अडकलेले पैसे मिळू शकतात.
धनु
या राशीच्या या काळात फायदा होणार असून, संपत्ती आणि उत्पन्नात वाढ होण्याची शक्यता आहे. कामात यश मिळू शकते आणि करिअरमध्येही अचानक फायदा होऊ शकतो. पद आणि प्रतिष्ठा वाढेल. लोकांवर प्रभाव पाडण्यात यश मिळेल. तुळ राशीत सूर्याच्या गोचरामुळे भाग्य तुमच्या बाजूने राहील. उत्पन्नात वाढ आणि नवीन स्रोत निर्माण होण्याची शक्यता आहे.
आर्थिक बाबतीत निर्माण होणार्या अडचणी दूर होऊ शकतात, तसेच धार्मिक कार्यात रुची वाढेल. भविष्यातील योजनांमध्ये यश मिळेल. तुम्हाला मान-सन्मानही मिळू शकेल. बुध आणि सूर्याच्या संयोगामुळे निर्माण झालेल्या बुधादित्य राजयोगामुळे उत्पन्न वाढेल. तुम्हाला नशिबाची पूर्ण साथ मिळेल. व्यवसायात नवीन योजना आखल्यास आर्थिक लाभ होण्याचीही शक्यता आहे. शेअर मार्केट, बेटिंग आणि लॉटरीमध्ये पैसे गुंतवल्यास फायदा होऊ शकतो.
मेष
मुलांशी संबंधित काही चांगली बातमी मिळू शकते. तुम्हाला अनपेक्षित पैसे देखील मिळू शकतात. त्याच वेळी, तुमचे आरोग्य चांगले राहील. विवाहित व्यक्तीचे वैवाहिक जीवन चांगले राहील. कुटुंबाकडून सहकार्य मिळेल. अविवाहित लोकांसाठी विवाहाचे प्रस्ताव येऊ शकतात. समाजात तुमचा सन्मान वाढेल, लोक तुमच्यामुळे प्रभावित होतील. भागीदारीत काम करणाऱ्यांसाठी हा काळ चांगला असेल, नफा मिळण्याची शक्यता आहे. कन्या राशीत सूर्याचे भ्रमण आर्थिक क्षेत्रात लाभ देईल. उत्पन्नाचे नवीन स्रोत उपलब्ध होतील. जे लोक नोकरीच्या शोधात आहेत त्यांनाही या काळात यश मिळू शकते.
कर्क
सूर्य देवाची राशी राशीच्या लोकांसाठी वरदान ठरू शकते. या कालावधीत वाहन किंवा मालमत्ता खरेदीचा योग आहे. वडिलोपार्जित संपत्तीतून लाभ मिळण्याची शक्यता आहे. बचत करण्यात यश मिळेल. उत्पन्नात वाढ होण्याची शक्यता आहे. तुम्हाला कुटुंबाकडून सहकार्य मिळेल, तुम्ही नवीन किंवा महागडी वस्तू खरेदी करू शकता.
कन्या
बुध आणि सूर्य यांच्या संयोगाने तयार झालेला बुधादित्य राजयोग लाभदायक ठरू शकतो. तुम्हाला अनपेक्षित पैसे मिळू शकतात. अडकलेले व प्रलंबित पैसे मिळण्याची देखील शक्यता आहे. व्यावसायिकांसाठी हा काळ चांगला राहील. व्यवसायात विशेष लाभ मिळण्याची शक्यता आहे. मार्केटिंग, मीडिया, कम्युनिकेशन आणि बँकिंग क्षेत्राशी संबंधित लोकांना फायदा होऊ शकतो.
