7th Pay Commission :- केंद्र सरकार पुन्हा एकदा केंद्रीय कर्मचाऱ्यांच्या डीएमध्ये वाढ करू शकते. जर आपण AICPI निर्देशांकाच्या आकडेवारीवर नजर टाकली तर, महागाई भत्ता 34 टक्के झाला आहे. म्हणजेच त्यात २ टक्क्यांनी वाढ झाली आहे.
त्यात आणखी 1 टक्क्यांनी वाढ होण्याची शक्यता आहे. डिसेंबर 2021 पर्यंत, CPI (IW) डेटा उघड झाला आहे, ज्याने हे स्पष्ट केले आहे की महागाई भत्त्यात 3 टक्के वाढ निश्चित आहे.
म्हणजेच एकूण DA 3% वाढेल. जानेवारी 2022 पासून ते दिले जाणार असून केंद्रीय कर्मचाऱ्यांचे पगार वाढणार आहेत.
दरम्यान आणखी एक बातमी छत्तीसगड मधून समोर आली आहे, येथील सरकारी कर्मचाऱ्यांसाठी एक आनंदाची बातमी आहे. सरकारने कर्मचाऱ्यांचे कामाचे दिवस कमी केले आहेत. लाखो कर्मचाऱ्यांना याचा मोठा फायदा होणार आहे.
७३ व्या प्रजासत्ताक दिनानिमित्त छत्तीसगडचे मुख्यमंत्री भूपेश बघेल यांनी राज्यातील जनतेसाठी अनेक महत्त्वाच्या घोषणा केल्या आहेत.
७३ व्या प्रजासत्ताक दिनानिमित्त बस्तर जिल्हा मुख्यालय जगदलपूरच्या लालबाग मैदानावर आयोजित मुख्य कार्यक्रमात मुख्यमंत्री भूपेश बघेल यांनी ध्वजारोहण केले आणि राष्ट्रध्वजाला सलामी दिली. यामध्ये मुख्यमंत्र्यांनी सरकारी कर्मचाऱ्यांसाठी भरघोस घोषणा केल्या आहेत.
यासोबतच सरकारी कर्मचाऱ्यांसाठी अंशदायी पेन्शन योजनेअंतर्गत राज्य सरकारचे योगदान 10 टक्क्यांवरून 14 टक्के करण्यात आले आहे.
सरकारी कर्मचाऱ्यांची कार्यक्षमता आणि उत्पादकता वाढवण्यासाठी छत्तीसगड सरकार आता केवळ 5 दिवस काम करेल, असेही मुख्यमंत्र्यांनी जाहीर केले.