Tips For Become Rich:- प्रत्येकाला जीवनामध्ये लखपती ते करोडपती म्हणजे श्रीमंत होण्याची इच्छा असते. त्याकरिता प्रत्येक जण असलेली नोकरी किंवा व्यवसायामध्ये जास्तीत जास्त प्रमाणात मेहनत घेऊन जास्त पैसा कसा मिळेल या दृष्टिकोनातून प्रयत्न करताना आपल्याला दिसून येतात. परंतु बऱ्याचदा किती जरी पैसा कमावला तरी देखील तो पैसा आपल्या हातात टिकत नाही.
आपल्यापैकी बऱ्याच जणांना अनुभव आला असेल की महिन्याचा पगार झाल्यानंतर दुसऱ्या महिन्याच्या पगाराची तारीख येत नाही तोपर्यंत आपल्या खात्यात शून्य रुपये शिल्लक राहते. त्यामुळे हे असेच जर चालले तर मात्र आपण श्रीमंत होण्याची स्वप्न कितीही पाहिले तरी ते कधीच पूर्ण होऊ शकत नाही हे मात्र निश्चित.
त्यामुळे तुम्ही किती कमवता यापेक्षा कमावलेले पैशांची बचत आणि गुंतवणूक कशी करतात? या माध्यमातून तुमचा श्रीमंत होण्याचा रस्ता जात असतो. त्यामुळे तुम्ही काही छोट्या छोट्या गोष्टींकडे लक्ष दिले तर आयुष्यामध्ये नक्कीच तुम्ही एक दिवस करोडपती होऊ शकतात हे मात्र निश्चित. त्यामुळे अशा कोणत्या गोष्टी आहेत की ज्या तुम्ही फॉलो केल्या तर तुम्ही श्रीमंत होऊ शकतात? त्याबद्दलचीच माहिती आपण या लेखात बघणार आहोत.
श्रीमंतीसाठी या गोष्टी करा फॉलो
1- अनावश्यक खर्चाला लगाम– समजा तुम्ही प्रत्येक महिन्याला पगार कमवता किंवा पैसे कमवतात आणि जेव्हा महिना संपत येतो आणि तेव्हा जर तुमच्याकडे पैसे शिल्लक राहत नसतील तर याकरिता अगोदर तुम्हाला तुमचे खर्च नक्की कसे आहेत याचा अभ्यास करणे किंवा ते खर्च समजून घेणे गरजेचे आहे. खर्च पाहून खर्च करणे खूप महत्वाचे राहील.
ज्या ठिकाणी तुम्हाला खर्च करणे आवश्यक आहे तिथेच खर्च करावा. उगीचच ज्या ठिकाणी गरज नाही किंवा अनावश्यक बाब आहे त्या ठिकाणी खर्च करण्यावर नियंत्रण ठेवावे. त्यामुळे तुम्ही प्रत्येक महिन्याचा बजेट बनवून ठेवावा व त्या बजेटनुसारच पैसे खर्च करावेत.
2- पैशांची बचत करा आणि योग्य ठिकाणी गुंतवा– पैशांची बचत करत असाल आणि बचतीमध्ये जर दुपटीने वाढ करायची असेल तर ते बचत केलेल्या पैसे योग्य ठिकाणी गुंतवणे खूप गरजेचे आहे. त्यामुळे शक्य तितक्या लवकर योग्य ठिकाणी तुम्ही तुमच्या पैशांची गुंतवणूक करणे गरजेचे आहे.
जेवढ्या लवकर तुम्ही गुंतवणुकीला सुरुवात कराल तेव्हा लवकर तुमची संपत्ती तयार होण्यास मदत होईल. याकरिता तुम्ही सध्या बाजारामध्ये उपलब्ध असलेल्या चक्रवाढ व्याजाचा लाभ देणाऱ्या गुंतवणूक योजनांचा फायदा मिळवू शकतात. गुंतवणूक योजनांमध्ये जर गुंतवणूक केली तर पैशांमध्ये वेगाने वाढ होते. त्यामुळे योग्य ठिकाणी गुंतवणूक करा.
3- इन्कम टॅक्स अर्थात कराचे नियोजन– तुम्ही जर आयकर स्लॅबमध्ये येत असाल तर तुमच्यासाठी कराचे नियोजन करणे खूप गरजेचे आहे. अशा अनेक योजना आहेत की त्यामध्ये गुंतवणूक करून तुम्हाला चांगला परतावा मिळतोच.
परंतु केलेल्या गुंतवणुकीवर तुम्हाला करात देखील सूट मिळते. त्यामुळे अशा योजनांची निवड करावी जेणेकरून तुम्ही केलेल्या गुंतवणुकीतून परतावा देखील चांगला मिळू शकेल व करात देखील सूट देखील मिळेल.
4- संयम व शिस्त महत्त्वाची– वर उल्लेख केलेल्या सगळ्या बाबी पूर्ण करण्यासाठी तुम्हाला स्वतःमध्ये आर्थिक शिस्त आणि संयम ठेवणे गरजेचे राहील. कारण गुंतवणूक केल्यानंतर तुमचे पैसे काही दिवसात दुप्पट होतील असे होत नाही.
त्यासाठी तुम्हाला दीर्घ कालावधी करिता प्रतीक्षा करावी लागते व शिस्तीने बचत करून गुंतवणूक करावी लागते. अशा पद्धतीने दीर्घ कालावधीसाठी तुम्ही हळूहळू पैशांची बचत करून तिची गुंतवणूक केली तर काही वर्षानंतर तुम्ही काही कोटी रुपयांचा निधी जमा करू शकतात व तुमचे कोट्याधीश होण्याचे स्वप्न पूर्ण करू शकतात.