Pension Plan : सध्या बचतीचे अनेक पर्याय उपलब्ध आहेत, अशातच सरकारद्वारे देखील एकापेक्षा एक पेन्शन योजना राबवल्या जातात. पेन्शन योजनांचे विविध प्रकार आहेत. काही प्रकरणांमध्ये एकरकमी भरावी लागते आणि काही प्रकरणांमध्ये प्रीमियम भरावा लागतो. भारतातील मोठी लोकसंख्या ही मध्यमवर्गीय लोकांची आहे, ज्यांना कमी गुंतवणुकीत आजीवन पेन्शनचा लाभ घ्यायचा आहे. पण हे शक्य आहे का?
होय, 500 रुपये किंवा त्यापेक्षा कमी गुंतवणूक करूनही वृद्धापकाळात व्यक्ती नियमित उत्पन्न मिळवू शकते. आर्थिकदृष्ट्या कमकुवत लोकांसाठी सरकारने काही योजना सुरू केल्या आहेत. जेणेकरुन कमी पगार असलेल्या नागरिकांनाही त्यांचे भविष्य सुरक्षित करता येईल. अशा काही योजना पुढीलप्रमाणे आहेत.
अटल पेन्शन योजना
ही योजना नॅशनल पेन्शन सिस्टम अंतर्गत चालवली जाते. ही एक दीर्घकालीन योजना आहे, ज्यामध्ये वयाची 60 वर्षे पूर्ण केल्यानंतर 1000 रुपये ते 5000 रुपये मासिक पेन्शन मिळते. तुम्ही वयाच्या 18 व्या वर्षी त्यात गुंतवणूक सुरू करू शकता, त्यात 20 वर्षे गुंतवणूक करणे अनिवार्य आहे. दरमहा 42 रुपये गुंतवून तुम्ही 1000 रुपयांपर्यंत पेन्शन मिळवू शकता.
सार्वजनिक भविष्य निर्वाह निधी
सार्वजनिक भविष्य निर्वाह निधी म्हणजेच PPF या यादीत दुसऱ्या क्रमांकावर आहे. यामध्ये निवृत्तीनंतर कमी गुंतवणुकीत पेन्शन मिळू शकते. कोणतीही व्यक्ती केवळ 500 रुपयांमध्ये खाते उघडू शकते. गुंतवणुकीची कमाल मर्यादा 1.5 लाख आहे.
इक्विटी म्युच्युअल फंड एसआयपी
जर तुम्हाला इक्विटी म्युच्युअल फंड SIP मध्ये गुंतवणूक करायची असेल तर हा तुमच्यासाठी सर्वोत्तम पर्याय असू शकतो. विविध प्रकारचे म्युच्युअल फंड उपलब्ध आहेत. ज्यामध्ये सुमारे 11% ते 18% परतावा मिळतो.
