Multibagger stock : शेअर मार्केटमध्ये असे अनेक स्टॉक आहेत, जे गुंतवणूकदारांना उत्तम परतावा देत आहे. पण आज आम्ही तुम्हाला अशा एका शेअरबद्दल सांगणार आहोत ज्याने गुंतवणूकदारांना आश्चर्यकारक परतावा दिला आहे. या शेअरची किंमत 88 रुपयांवरून चक्क 1100 रुपयांपर्यंत वाढली आहे. या शेअरचे नाव KPIT Technologies Ltd असे आहे. गेल्या तीन वर्षांत या शेअरने आपल्या गुंतवणूकदारांना जबरदस्त परतावा दिला आहे.
28 ऑगस्ट 2020 रोजी हा शेअर 88.45 रुपयांवर बंद झाला होता, तो आता चालू सत्रात 1162.45 रुपयांच्या उच्चांकावर पोहोचला आहे. या कालावधीत या शेअरने आपल्या गुंतवणूकदारांना 1,214% परतावा दिला आहे. केपीआयटी टेक्नॉलॉजीजच्या स्टॉकमध्ये तीन वर्षांपूर्वी गुंतवलेली 1 लाख रुपयाची रक्कम आज 13.14 लाख रूपये झाली आहे. त्या तुलनेत या कालावधीत सेन्सेक्स 65.12 टक्क्यांनी वधारला आहे. स्टॉकने 23 ऑगस्ट 2023 रोजी 1200 चा सर्वकालीन उच्चांक गाठला आणि 7 सप्टेंबर 2022 रोजी 545.70 या 52 आठवड्यांचा नीचांक गाठला.
कंपनीने गेल्या तीन वर्षांमध्ये आपल्या गुंतवणूकदारांना परतावा देण्याच्या बाबतीत आपल्या प्रतिस्पर्ध्यांनाही मागे टाकले आहे. या कालावधीत शेअरने 1,214% परतावा दिला आहे. KPIT Technologies च्या शेअरने BSE वर 1155.15 रुपयाच्या आधीच्या बंद पातळीच्या विरुद्ध इंट्राडे उच्चांक 1162.45 रुपये गाठला. कंपनीच्या एकूण 0.14 लाख शेअर्सची बीएसईवर 1.63 कोटी रुपयांची खरेदी-विक्री झाली. KPIT Technologies चे मार्केट कॅप आज 31,677 कोटी रुपयांपर्यंत वाढले आहे.
तांत्रिक बाबतीत, KPIT टेक्नॉलॉजीजचा रिलेटिव्ह स्ट्रेंथ इंडेक्स (RSI) 57.4 वर आहे, जो सूचित करतो की स्टॉक ओव्हरबॉट किंवा ओव्हरसोल्ड झोनमध्ये ट्रेडिंग करत नाही. गेल्या एका वर्षातील स्टॉकचा बीटा 0.7 आहे, जो खूपच कमी अस्थिरता दर्शवतो. KPIT Technologies स्टॉक 10 दिवस, 20 दिवस, 50 दिवस, 100 दिवस आणि 200 दिवसांच्या मूव्हिंग सरासरीच्या वर ट्रेडिंग करत आहे.