SBI Amrit Kalash Deposit : भारतातील सर्वात मोठ्या सार्वजनिक क्षेत्रातील बँकेने ग्राहकांसाठी एक विशेष FD लाँच केली आहे. बँक या FD वर चांगला परतावा देखील ऑफर करत आहे. आम्ही ज्या FD बद्दल बोलत आहोत ती म्हणजे अमृत कलश स्पेशल एफडी. बँकेची ही विशेष FD काही दिवसांत बंद होणार असून, जे गुंतवणूकदार येथे गुंतवणूक करण्यास इच्छुक असतील त्यांनी ताबडतोब येथे गुंतवणूक करावी.
तुमच्या माहितीसाठी बँकेने ही योजना 12 एप्रिल 2023 रोजी सुरू केली होती. आणि आता या योजनेत गुंतवणूक करण्याची अंतिम तारीख 15 ऑगस्ट 2023 आहे. यापूर्वी या योजनेची अंतिम तारीख जून महिन्यात होती, पण बँकेने त्याची मुदत वाढवली. आजच्या बातमीत आपण या खास योजनेबद्दलच जाणून घेणार आहोत.
SBI अमृत कलश स्पेशल FD
ही योजना 400 दिवसांची आहे. जर तुम्हाला या योजनेत गुंतवणूक करायची असेल, तर तुम्ही स्टेट बँक ऑफ इंडियाच्या कोणत्याही शाखेतून, नेट बँकिंग, SBI च्या YONO ॲपवरून ही FD चालू करू शकता. या योजनेत सर्वसामान्य ग्राहकांना ७.१ टक्के तर ज्येष्ठ नागरिकांना ७.६ टक्के व्याज मिळत आहे. बँक ग्राहकांना मासिक, त्रैमासिक आणि सहामाही आधारावर व्याज देते. या योजनेत मिळालेल्या व्याजावर टीडीएस कापला जातो आणि नंतर खात्यात जमा केला जातो.
IDBI बँक अमृत महोत्सव FD
आयडीबीआय बँकेनेही आपल्या ग्राहकांसाठी एक खास एफडी योजना आणली आहे. या योजनेत कोणताही गुंतवणूकदार 375 दिवस ते 444 दिवसांपर्यंत एफडी उघडू शकतो. या FDचे नाव अमृत महोत्सव एफडी असे आहे. तुम्हालाही या एफडीमध्ये गुंतवणूक करायची असेल, तर तुम्ही १५ ऑगस्ट २०२३ पर्यंत गुंतवणूक करू शकता. बँक या FD वर 7.15 टक्के व्याजदर देते. तर ज्येष्ठ नागरिकांना 7.65 टक्के व्याज देत आहे.
IDBI बँक 2 कोटी रुपयांपेक्षा कमी ठेवींवर 3 टक्के ते 6.80 टक्के व्याजदर देते. ज्येष्ठ नागरिकांसाठी हे व्याजदर 3.50 टक्के ते 7.30 टक्क्यांपर्यंत आहेत.