State Bank of India : स्टेट बँक ऑफ इंडियाच्या ग्राहकांसाठी कामाची बातमी आहे, SBI ही भारतातील सर्वात मोठी सरकारी बँक आहे, जी अनेक बाबतीत इतर सरकारी आणि खाजगी बँकांपेक्षा खूप पुढे आहे. देशातील बहुतांश लोकांचे SBI मध्ये खाते असेल. पण, तुम्हाला माहिती आहे का की SBI आपल्या खातेधारकांना अनेक सुविधा मोफत देते. यामध्ये डोअरस्टेप बँकिंग सेवेचा देखील समावेश आहे.
जरी, अनेक बँका या सेवेसाठी वेगवेगळे शुल्क देखील आकारतात, परंतु स्टेट बँक ऑफ इंडिया तिच्या काही निवडक खातेदारांना ही सेवा विनामूल्य प्रदान करते. म्हणजे ही बँक आपल्या ग्राहकांना ही सेवा मोफत देते.
SBI त्यांच्या दिव्यांग खातेधारकांना मोफत घरोघरी बँकिंग सेवा देत आहे. मात्र, ही सेवा महिन्यातून फक्त 3 वेळा दिली जाते. SBI च्या डोरस्टेप बँकिंग सेवेचा लाभ घेण्यासाठी ग्राहकांना फक्त डोअरस्टेप बँकिंग ॲप वर नोंदणी करावी लागेल.
स्टेट बँक ऑफ इंडिया (SBI) 70 वर्षांवरील ज्येष्ठ नागरिक आणि दिव्यांग ग्राहकांना कोणत्याही शुल्काशिवाय महिन्यातून 3 वेळा घरबसल्या बँकिंग सेवांचा लाभ घेण्याची संधी देते. त्यात रोख ठेव-विड्रॉवल आणि चेक डिपॉझिटसह अनेक सुविधांचा समावेश आहे. SBI डोअरस्टेप बँकिंग सेवेद्वारे, खातेदार दिवसातून फक्त एकदाच व्यवहार करू शकतात आणि त्याची कमाल मर्यादा 20,000 रुपये आहे, तर किमान मर्यादा 1,000 रुपये आहे. मात्र, या सुविधेचा लाभ घेण्यासाठी एसबीआयची शाखा तुमच्या घरापासून ५ किलोमीटर अंतरावर असली पाहिजे.
या सेवांसाठी कोण पात्र असेल?
70 वर्षांवरील ज्येष्ठ नागरिक आणि दृष्टिहीन किंवा वैद्यकीयदृष्ट्या दुर्बल व्यक्तींना ही सुविधा मिळणार आहे. या सेवेचा लाभ घेण्यासाठी खातेदाराचे केवायसी पूर्ण असले पाहिजे. खातेदाराचा वैध मोबाईल क्रमांक खात्यात नोंदणीकृत असणे आवश्यक आहे.
डोअरस्टेप बँकिंग सेवेचा लाभ कसा घ्यावा?
एसबीआयच्या वेबसाइटनुसार, डोअरस्टेप बँकिंग सेवेचा लाभ घेण्यासाठी ग्राहकांना डोअरस्टेप बँकिंग ॲपपवर प्रथमनोंदणी करावी लागेल. यासाठी ग्राहक Play Store वरून Doorstep Banking (DSB) ॲप डाउनलोड करू शकतात. ॲप प डाउनलोड आणि इन्स्टॉल केल्यानंतर, तुम्हाला तुमचा मोबाईल नंबर टाकून स्वतःची नोंदणी करावी लागेल. यानंतर ग्राहकाला इतर माहिती टाकण्यासाठी पिनने लॉगिन करावे लागेल.