IPL 2023: क्रिकेट चाहत्यांसाठी एक आनंदची बातमी समोर आली आहे. या बातमीनुसार भारतीय क्रिकेट नियामक मंडळाने म्हणजेच बीसीसीआयने IPL च्या 16 व्या सीझनसाठी वेळापत्रक जाहीर केला आहे. आम्ही तुम्हाला सांगतो यावेळी 16 व्या सीझनच्या पहिल्या सामन्यात 31 मार्च रोजी चेन्नई सुपर किंग्ज गतविजेता गुजरात टायटन्सना भिडणार आहे. तर IPL 2023 चा फायनल 28 मे रोजी होणार आहे.
लीगमध्ये 10 संघ
गेल्या वर्षी 2022 मध्ये ही लीग भारतात मार्च-मे विंडोमध्ये खेळली गेली होती, परंतु संपूर्ण लीग टप्पा फक्त मुंबई आणि पुण्यात आयोजित करण्यात आला होता. प्लेऑफ आणि अंतिम सामने कोलकाता आणि अहमदाबादमध्ये खेळले गेले. गुजरात टायटन्सने गेल्या वर्षी आपल्या पदार्पणाच्या मोसमात अहमदाबादमध्ये खेळल्या गेलेल्या अंतिम सामन्यात राजस्थान रॉयल्सचा पराभव करून विजेतेपद पटकावले होते. हार्दिक पंड्याच्या नेतृत्वाखाली गुजरात टायटन्सने अप्रतिम कामगिरी केली. लीगचा दुसरा संघ लखनौ सुपरजायंट्स होता. लखनौचे कर्णधारपद केएल राहुलकडे सोपवण्यात आले. आता लीगमध्ये एकूण 10 संघ आहेत.
3 वर्षांनी फॉरमॅट बदलेल
2019 हे वर्ष भारतात होम -अवे स्वरूपात लीग खेळवण्याची शेवटची वेळ होती. 2020 मध्ये, स्पर्धा मार्च-मे विंडोमधून सप्टेंबर-नोव्हेंबरपर्यंत पुढे ढकलणे आवश्यक होते. त्यानंतर कोविड-19 महामारीमुळे त्याला यूएईमध्ये स्थलांतरित करावे लागले. 2021 मध्ये, उन्हाळ्यात हंगाम खेळण्याचा प्रयत्न करण्यात आला परंतु बायो-सेक्योर बबलच्या उल्लंघनामुळे तो मध्यभागी थांबवावा लागला. त्यानंतर हंगामाचा दुसरा भाग सप्टेंबरमध्ये यूएईमध्ये झाला.
28 मे रोजी अंतिम सामना
यावेळी देशभरातील 12 स्टेडियममध्ये एकूण 74 सामने खेळवले जाणार आहेत. ही लीग 2019 नंतर प्रथमच भारतात होम आणि अवे फॉरमॅटमध्ये परत येईल. तीन वर्षांनंतर चाहत्यांना त्यांचा आवडता संघ घरच्या मैदानावर खेळताना दिसेल. महिला प्रीमियर लीग (WPL) चे पहिले हंगाम 26 मार्च रोजी संपल्यानंतर पाच दिवसांनी IPL सुरू होईल. लीग टप्प्यातील शेवटचा सामना 21 मे रोजी तर अंतिम सामना 28 मे रोजी अहमदाबाद येथील नरेंद्र मोदी क्रिकेट स्टेडियमवर खेळवला जाईल.
हे पण वाचा :- Mutual Fund: ‘या’ पद्धतींने निवडा तुमच्यासाठी बेस्ट म्युच्युअल फंड ! होणार लाखोंचा फायदा ; जाणून घ्या कसं