Reliance Jio : रिलायन्स जिओ लवकरच देशात 5G नेटवर्क आणण्याच्या तयारीत आहे. मुकेश अंबानी यांच्या नेतृत्वाखालील जिओ देशातील सर्वात मोठी टेलिकॉम कंपनी बनली आहे. 4G सह देशातील दूरसंचार उद्योगाला हादरा देणार्‍या रिलायन्स जिओचा यूजर बेस मोठा आहे. जिओ आपल्या ग्राहकांसाठी वेगवेगळ्या किंमती आणि डेटा श्रेणींमध्ये रिचार्ज प्लॅन ऑफर करते.
रिलायन्स जिओ रिचार्ज प्लॅनबद्दल बोलायचे झाल्यास, 1,199 रुपयांच्या प्लॅनमध्ये दररोज 3 जीबी डेटा उपलब्ध आहे. तुम्ही जर दररोज अधिक डेटा वापरणारे वापरकर्ते असाल तर ही रिचार्ज योजना तुमच्यासाठी योग्य आहे. त्याबद्दल सर्व काही जाणून घ्या…
1,199 रुपयांचा जिओ रिचार्ज प्लॅन
रिलायन्स जिओच्या 1,199 रुपयांच्या रिचार्ज प्लॅनची वैधता 84 दिवसांची आहे. या प्रीपेड प्लॅनमध्ये ग्राहकांना दररोज ३ जीबी डेटा मिळतो. म्हणजेच जिओ या प्लॅनमध्ये एकूण 252 जीबी हाय-स्पीड डेटा ऑफर करतो. प्लॅनमध्ये उपलब्ध असलेला 3 GB डेटा दररोज संपल्यानंतर, स्पीड 64Kbps पर्यंत घसरतो.
याशिवाय रिलायन्स जिओच्या या प्रीपेड प्लानमध्ये अमर्यादित व्हॉईस कॉल देखील उपलब्ध आहेत. ग्राहक देशभरातील कोणत्याही नेटवर्कवर अमर्यादित लोकल, एसटीडी आणि रोमिंग कॉल करू शकतात. याशिवाय दररोज 100 एसएमएस देखील उपलब्ध आहेत.
रिलायन्स जिओच्या या प्लॅनमध्ये डिस्ने हॉटस्टार मोबाइल सबस्क्रिप्शन ३ महिन्यांसाठी मोफत उपलब्ध आहे. याशिवाय JioTV, JioCinema, JioSecurity आणि JioCloud चे सदस्यत्व देखील मोफत दिले जाते.
याशिवाय रिलायन्स जिओकडे असे आणखी 3 प्रीपेड प्लॅन आहेत ज्यात दररोज 3 जीबी डेटा दिला जातो. जिओच्या 4,199 रुपये, 601 रुपये आणि 401 रुपयांच्या प्लॅनमध्ये 3 जीबी दररोज डेटा मिळतो. या सर्व प्लॅनमध्ये अमर्यादित व्हॉईस कॉल आणि दररोज 100 एसएमएस उपलब्ध आहेत. Jio चे हे प्रीपेड प्लॅन JioTV, JioCinema, JioSecurity आणि JioCloud सारख्या अॅप्सची मोफत मेंबरशिप देतात.