Car Prices increases : देशात या वर्षी अनेक मोठमोठया कार लॉन्च (Launch) झाल्या आहेत. अशातच तुम्हीही कार घेण्याचा विचार करत असाल तर ही बातमी तुमच्यासाठी महत्वाची आहे. कारण ऑडी इंडियाने (Audi India) सप्टेंबरपासून देशातील सर्व मॉडेल्सच्या किमती वाढवणार असल्याची घोषणा (Declaration) केली आहे.
या प्रत्येक मॉडेलच्या एक्स-शोरूम किंमतीत 2.4 टक्क्यांपर्यंत वाढ होणार आहे. जर्मन उत्पादकाने यापूर्वी एप्रिलच्या सुरुवातीपासून तीन टक्क्यांपर्यंत दरवाढ जाहीर केली होती.
कच्चा माल आणि पुरवठा साखळीतील वाढत्या खर्चामुळे हा निर्णय घेतल्याचे कंपनीने एका निवेदनात म्हटले आहे. वाढलेल्या किमती 20 सप्टेंबर 2022 पासून लागू होतील.
ऑडी इंडिया पेट्रोल मॉडेल A4, A6, A8 L, Q5, Q7, Q8, S5 Sportback, RS5 Sportback आणि RS Q8 विकते. याशिवाय, कंपनी भारतात ई-ट्रॉन 50, ई-ट्रॉन 55, ई-ट्रॉन स्पोर्टबॅक 55, ई-ट्रॉन जीटी आणि आरएस ई-ट्रॉन जीटी सारख्या इलेक्ट्रिक कारची विक्री करते.
यापैकी काही गाड्यांची एक्स-शोरूम किंमत 1 कोटींहून अधिक आहे. टक्केवारीच्या दृष्टीने पाहिल्यास काही कारची किंमत 2 लाख रुपयांपेक्षा जास्त वाढेल.
त्यामुळे वाढलेली किंमत
ऑडी इंडियाचे प्रमुख बलबीर सिंग ढिल्लन म्हणाले, “ऑडी इंडियामध्ये आम्ही शाश्वत व्यवसाय मॉडेलसाठी वचनबद्ध आहोत. कच्च्या मालाच्या वाढत्या किंमती आणि पुरवठा साखळीमुळे आम्हाला आमच्या मॉडेल्सच्या किमती 2.4 टक्क्यांनी वाढवाव्या लागतील.
सणासुदीच्या काळात विक्री वाढू शकते
यंदा प्रत्येक सेगमेंटमध्ये कारच्या किमती वाढल्या आहेत. जवळपास सर्वच कंपन्यांनी वाढत्या इनपुट कॉस्टला ही दरवाढ दिली आहे. लक्झरी कार सेगमेंटला क्वचितच मोठ्या प्रमाणात किमतीत वाढ होते.
मात्र, आगामी सणासुदीचा काळ लक्षात घेऊन जर्मन ब्रँडने हा निर्णय घेतला असावा. भारतातील ऑटोमोटिव्ह उद्योग ऑगस्ट आणि ऑक्‍टोबर या महिन्यांमध्ये सर्वोत्तम व्यवसाय करतो. प्रवासी वाहन विभाग मजबूत आहे.
नवीन Audi Q3 साठी बुकिंग (Booking) सुरू आहे
नवीन Audi Q3 चे बुकिंग नुकतेच भारतात सुरु झाले आहे. कंपनी लवकरच Q3 चे नवीन मॉडेल लॉन्च करू शकते. ग्राहक 2 लाख रुपये भरून ऑनलाइन किंवा डीलरशिपद्वारे बुक करू शकतात.
विशेष बाब म्हणजे या कारच्या पहिल्या 500 ग्राहकांना मोफत विस्तारित वॉरंटी आणि सर्व्हिस पॅकेजचाही लाभ मिळणार आहे. कंपनी ही कार दोन प्रकारात लॉन्च करणार आहे. नवीन कार ऑडीच्या क्वाट्रो तंत्रज्ञानासोबत फोर व्हील ड्राइव्ह तंत्रज्ञानाने सुसज्ज असेल.