Health News : गॅस्ट्रोइंटेस्टाइनल किंवा पचनतंत्रासंबंधित समस्या खूप सामान्य होत आहेत आणि त्या सर्व वयोगटातील व्यक्तींना प्रभावित करू शकतात. यामध्ये छाती किंवा घशात जळजळ होते. काही प्रकरणांमध्ये पोटातून आवाज किंवा दम्यासारखी लक्षणे दिसून येतात.
ही एक अतिशय सामान्य तक्रार आहे आणि त्यामुळे अस्वस्थता, पोट फुगल्यासारखे वाटते. याबाबत अधिक माहिती सैफी, अपोलो आणि नमाहा हॉस्पिटल्स येथील सल्लागार बॅरिएट्रिक आणि लॅपरोस्कोपिक सर्जन डॉ. अपर्णा भास्कर देत आहेत.
पचनतंत्रासंबंधित काही लक्षणे
■संसर्ग किंवा अपचनानंतर हा परिणाम होऊ शकतो आणि यात सैलसर मलविसर्जन (जुलाब) आणि पोट खराब होते.
■ पोटात हलक्या वेदनांपासून ते तीव्र वेदना जाणवतात.
■ कोलन किंवा अपेंडिक्सची जळजळ, वेदना आणि पचनसंस्थेमध्ये अडथळा आणतो.
■ गॅस्ट्रिक अल्सर आणि पेप्टिकअल्सर ज्यामुळे अॅसिडिटी, ओटीपोटात दुखणे आणि तीव्र अस्वस्थता जाणवते. गंभीर प्रकरणांमध्ये अल्सरला छिद्र पडू शकतात, ज्यामुळे जीवघेणी परिस्थिती निर्माण होऊ शकते.
■ यात पित्ताशयामध्ये खडे तयार होतात, ज्यामुळे वेदना आणि पचन समस्या उद्भवितात.
■ कमकुवत स्नायूंद्वारेअवयवांना फुगवटा, परिणामी अस्वस्थता आणि गुंतागुंत होते.
■मलविसर्जनात अडचण, अनेकदा कठीण मल आणि दररोज मलविसर्जन न होणे.
■ गुदद्वाराच्या क्षेत्रावर परिणाम करणाऱ्या या परिस्थिती, ज्यामुळे आतड्यांसंबंधी हालचालीदरम्यान वेदना आणि अस्वस्थता जाणवते.
गॅस्ट्रोइंटेस्टाइनल समस्यांवर उपचार
गॅस्ट्रोइंटेस्टाइनल समस्यांवर उपचार करण्याचा दृष्टीकोन विशिष्ट स्थितीनुसार बदलतो आणि त्यामध्ये औषधे, आहारातील बदल, जीवनशैलीतील बदल आणि कधीकधी शस्त्रक्रियेसारख्या पर्यायांचा समावेश असू शकतो.
संतुलित आहार राखणे, हायड्रेटेड राहणे, नियमित शारीरिक हालचाली करणे आणि तणावाचे प्रभावीपणे व्यवस्थापन करणे महत्त्वाचे आहे.
पारंपरिक भारतीय आहारात मसाले, तेल आणि कर्बोदकांचे प्रमाण अधिक असते. हे कधीकधी अॅसिडिटी, गोळा येणे आणि अपचन यांसारख्या पाचन समस्यांना कारणीभूत ठरू शकतो. यासाठी मसालेदार पदार्थ,
तळलेले पदार्थ आणि अनियमित जेवणाच्या वेळा टाळणे महत्त्वाचे आहे. याव्यतिरिक्त अस्वच्छ, उघड्यावरचे अन्नपदार्थाचे सेवन टाळा. पचनसंस्थेचे आरोग्य चांगले राखण्यासाठी रोजचा व्यायाम करणे फायदेशीर ठरते.