Mercedes Benz EQB : जर्मन लक्झरी कार निर्माता मर्सिडीज-बेंझ भारतात तिसरे इलेक्ट्रिक वाहन (third electric vehicle) मर्सिडीज बेंझ ईक्यूबी लॉन्च (Launch) करण्याच्या तयारीत आहे. ही सात सीटर इलेक्ट्रिक एसयूव्ही असेल, जी वर्षाच्या अखेरीस देशात लॉन्च केली जाणार आहे.
सध्या, प्रक्षेपणाची नेमकी तारीख (Date) अधिकृतपणे उघड करण्यात आलेली नाही, परंतु सूत्रांचे म्हणणे आहे की लॉन्च यावर्षी डिसेंबरमध्ये होईल. यापूर्वी, अलीकडेच कंपनीने देशातील सर्वोच्च श्रेणीची इलेक्ट्रिक कार EQS लाँच केली होती.
पहिली 7 सीटर लक्झरी इलेक्ट्रिक SUV
Mercedes-Benz EQB ही देशातील पहिली 7 सीटर लक्झरी इलेक्ट्रिक SUV असेल. ही कार यापूर्वीच जागतिक बाजारात दाखल झाली आहे. मर्सिडीज-बेंझ ईक्यूबी इलेक्ट्रिक एसयूव्ही 66.5 kWh लिथियम-आयन बॅटरी पॅकद्वारे समर्थित असेल. मर्सिडीजचे म्हणणे आहे की EQB एका चार्जवर 400 किमी पेक्षा जास्त रेंज देईल.
मर्सिडीज EQB जागतिक बाजारपेठेत दोन ट्रिममध्ये येते. पहिला ऑल-व्हील ड्राइव्ह EQB 300 ट्रिम आहे, जो 225hp पॉवर आउटपुट आणि 390 Nm च्या पीक टॉर्कसह येतो.
दुसरी ट्रिम EQB 350 आहे, जी 288hp पॉवर आणि 521 Nm पीक टॉर्क देते. मर्सिडीजने चीनमध्ये EQB ची AMG आवृत्तीही लॉन्च केली आहे. तिन्ही ट्रिम भारतात येतील की नाही हे अद्याप स्पष्ट झालेले नाही.
EQB इलेक्ट्रिक SUV ची रचना मर्सिडीज SUV सारखीच आहे. याला खास डिझाईन देण्यासाठी समोर आणि मागे एक लांब लाईट स्ट्रिप देण्यात आली आहे. कंपनीच्या बाकीच्या इलेक्ट्रिक कार प्रमाणे याला देखील काळ्या रंगाची ग्रिल मिळेल, ज्याच्या मध्यभागी मर्सिडीजचा लोगो असेल. कॉम्पॅक्ट एसयूव्हीमध्ये 20-इंचाचे अलॉय व्हील दिले जातील.
अंतर्गत वैशिष्ट्यांमध्ये 10.3-इंच डिजिटल इन्स्ट्रुमेंट क्लस्टर आणि ऑगमेंटेड रिअॅलिटी नेव्हिगेशनसह इन्फोटेनमेंट डिस्प्ले समाविष्ट आहे. Mercedes-Benz EQB ही भारतातील सर्वात सुरक्षित इलेक्ट्रिक कारपैकी एक असेल. याने अलीकडेच युरो NCAP कडून 5-स्टार रेटिंग प्राप्त केले आहे.