RBI : जर तुम्हाला बाजारातून कोणतीही वस्तू खरेदी करायची असेल तर तुमच्याकडे पैसे असणे खूप गरजेचे आहे. जर तुमच्याकडे पैसे नसतील तर तुम्हाला ती वस्तू खरेदी करता येणार नाही. अनेकदा एखादी वस्तू खरेदी करण्यासाठी खूप जास्त पैशांची गरज पडते.
अशावेळी अनेकजण कर्ज घेतात. जर तुम्हीही कर्ज घेत असाल तर तुमच्यासाठी आनंदाची बातमी आहे. आता तुम्हाला बँकेच्या एका चुकीमुळे दररोज 5000 रुपयेपैसे मिळणार आहेत. 1 डिसेंबर 2023 पासून हा नियम लागू होणार आहे. कसे ते जाणून घ्या.
दररोज इतका आकारला जाईल दंड
समजा एखाद्या बँकेने आरबीआयच्या सूचनांचे पालन केले नाही तर बँकेसमोर अनेक समस्या निर्माण होऊ शकतात. नवीन मार्गदर्शक तत्त्वांनुसार, आता जर सर्व कागदपत्रे जारी करण्यास उशीर झाला तर बँक किंवा NBFCS वर दररोज 5,000 रुपये इतका दंड आकारण्यात येईल. विशेष म्हणजे हा दंड बँक ग्राहकांना भरपाई म्हणून मिळणार आहे.
नुकसान झाले तर…
समजा बँका किंवा NBFC कडून ग्राहकांची सर्व कागदपत्रे हरवली असल्यास तर त्यासाठीही काही सूचना जारी करण्यात आलेल्या आहेत. या परिस्थितीत, संबंधित बँकांना ग्राहकांना डुप्लिकेट किंवा मंजूर प्रती मिळविण्यासाठी मदत करावी लागणार आहे.
तसेच नुकसान भरपाई देण्याशिवाय, त्यांना संबंधित खर्च देखील करावा लागणार आहे. इतकेच नाही तर ग्राहकाच्या निधनाच्या घटनेत कायदेशीर वारसांना मूळ जंगम आणि स्थावर मालमत्तेची कागदपत्रे परत करण्यासाठी सावकारांना एक सुस्थापित आदेश असावा लागेल.
आरबीआयच्या नवीन परिपत्रकानुसार, कर्जाची परतफेड किंवा कर्ज खाते बंद झाले तर सर्व जंगम आणि स्थावर मालमत्तेची कागदपत्रे सावकारांनी जारी करणे बंधनकारक असेल. त्याशिवाय असेही निदर्शनास आले आहे की सावकार कागदपत्रे जारी करत असताना विविध नियमांचे पालन करतात.
ज्यामुळे ग्राहकांच्या तक्रारी आणि वाद निर्माण होतात. आता आरबीआयच्या नव्या सूचनांनंतर ग्राहकांना त्यांचे कागदपत्र ३० दिवसांमध्ये म्हणजेच एका महिन्यात मिळणार आहेत. माहितीसाठी, RBI कडून बँकिंग नियमन कायदा 1949 च्या कलम 21, 35A, 1934 च्या कलम 45JA आणि 45L अंतर्गत या सूचना जारी करण्यात आल्या आहेत.