Tata Car Discounts: देशातील आघाडीची वाहन निर्माता कंपनी Tata Motors सणासुदीच्या काळात (festive season) ग्राहकांना (customers) आकर्षित करण्यासाठी आणि त्यांच्या कार्सची विक्री वाढवण्यासाठी ऑक्टोबर 2022 मध्ये त्यांच्या काही कार्सवर सूट देत आहे.
टाटा हॅरियर (Tata Harrier), सफारी (Safari) आणि इतर मॉडेल्ससाठी एक्स्चेंज बोनस, कॉर्पोरेट सवलत किंवा रोख सवलत या स्वरूपात 40,000 रुपयांपर्यंतच्या सवलती दिल्या जात आहेत.
Tata Harrier
Tata Harrier ला एक्सचेंज बोनस म्हणून सर्व व्हेरियंटवर 40,000 रुपयांची सूट दिली जात आहे. याशिवाय ग्राहकांना 5,000 रुपयांची कॉर्पोरेट सूटही मिळेल. Harrier SUV 168 bhp 2.0-लिटर डिझेल इंजिनला 6-स्पीड मॅन्युअल किंवा ऑटोमॅटिक गिअरबॉक्सशी जोडलेली आहे.
Tata Safari
टाटा मोटर्सच्या फ्लॅगशिप कार सफारीवर एक्सचेंज बोनस म्हणून 40,000 रुपयांची सूटही मिळत आहे. मात्र, कंपनी या एसयूव्हीवर कोणतीही कॉर्पोरेट सूट देत नाहीये. टाटा सफारीला देखील तीच ड्राईव्ह ट्रेन मिळते जी हॅरियरमध्ये वापरली गेली आहे. या कारमध्ये 168 bhp डिझेल इंजिन देखील आहे. पण त्यात जास्त लोक प्रवास करू शकतात कारण याला तीन रो सीट मिळतात.
Tata Tigor
टाटा टिगोर मॉडेल, ज्यामध्ये CNG व्हेरियंटचा समाविष्ट आहे, 10,000 रुपयांची रोख सवलत आणि एक्सचेंज बोनस देखील मिळत आहे. Tata Tigor पेट्रोल व्हर्जनवर 10,000 रुपयांचा एक्सचेंज बोनस दिला जात आहे, ज्यामुळे या कारवर एकूण 20,000 रुपयांची सूट मिळते. तर CNG व्हर्जनवर 15,000 रुपयांचा एक्सचेंज बोनस मिळत आहे, जे एकूण 25,000 रुपयांचे फायदे आणते.
Tata Tiago
सेडानप्रमाणेच, हॅचबॅक टाटा टियागो पेट्रोल व्हर्जनवर 10,000 रुपयांची रोख सूट आणि 10,000 रुपयांचा एक्सचेंज बोनस मिळत आहे. यामुळे या कारवर एकूण सूट 20,000 रुपये झाली आहे. ग्राहक 3,000 रुपयांची कॉर्पोरेट सूट देखील घेऊ शकतात जी Tiago च्या सर्व व्हेरियंटवर दिली जात आहे. नुकत्याच लाँच झालेल्या Tata Tiago EV आणि CNG व्हर्जनवर कोणतीही ऑफर नाही.
