अहमदनगर Live24 टीम, 29 जानेवारी 2022 :- अ‍ॅपल आयफोन 14 सीरिजमध्ये सिम कार्ड स्लॉट नसेल. अ‍ॅपल आपल्या नवीन आयफोन 14 सीरिजमधील फोनमध्ये सिम कार्ड स्लॉटऐवजी ई-सिमचा पर्याय वापरणार आहे.
अ‍ॅपल त्यांच्या पुढील सर्व सीरिज वॉटरप्रुफ बनवण्यासाठी प्रयत्नशील आहे. या कारणामुळेच आयफोन 14 सीरिजमध्ये ई-सिम दिले जात असल्याची चर्चा आहे.
त्यामुळे येत्या काळात ई-सिम हा महत्त्वपूर्ण पर्याय युजर्सला उपलब्ध होऊ शकतो. दरम्यान भारतात एअरटेल (Airtel), वोडाफोन-आयडिया (Vodafone-Idea) आणि जिओ (Jio) या तीनही टेलिकॉम कंपन्या ई-सिम सेवा ऑफर करतात.
अ‍ॅप्पलने यापूर्वीच ई-सिम फीचर असलेले स्मार्टफोन लॉंच केले आहेत. कंपनीने सर्वप्रथम आयफोन XS आणि आयफोन XS Max साठी ई-सिम फीचर लाँच केले.
नुकत्याच लॉंच झालेल्या आयफोन 13 सीरीजमध्ये कंपनीने फिजिकल सिम कार्ड स्लॉट व्यतिरिक्त ई-सिमचा पर्याय दिला आहे. या फोनमध्ये तुम्ही दोन सिम कार्ड वापरू शकता, त्यापैकी एक फिजिकल असेल आणि एक ई-सिम कार्ड असेल.
ई-सिम म्हणजे काय? जाणून घ्या :- भारतात रिलायन्स जियो, व्होडाफोन -आयडिया आणि एअरटेल या टेलिकॉम कंपन्या ई-सिम सुविधा देत आहेत.
ई-सिम हे मोबाईल फोनमध्ये बसवण्यात आलेले व्हर्च्युअल सिम असते.
ई-सिम अगदी फिजिकल सिम कार्ड प्रमाणे काम करते.
जर तुम्ही ई-सिमसाठी अर्ज केला तर तुम्हाला तुमच्या फोनमध्ये कोणतेही अन्य सिमकार्ड घालावे लागणार नाही.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम