Card less Cash Withdrawal : आतापर्यंत एटीएममधून पैसे काढण्यासाठी डेबिट कार्ड (Debit card) आवश्यक होते, मात्र आता तसे नाही.
आता कार्डशिवायही एटीएम (ATM) मधून पैसे काढता येणार आहेत. वास्तविक, आरबीआय (RBI) ने सर्व बँका, एटीएम नेटवर्क आणि व्हाईट लेबल एटीएम ऑपरेटरना कार्डलेस कॅश काढण्याचे फिचर जोडण्यास सांगितले आहे.
हे फीचर लाइव्ह झाल्यानंतर तुम्ही कार्ड न वापरताही एटीएममधून पैसे काढू शकता. मात्र तरीही तुम्हाला ही सुविधा काही बँकांच्या एटीएममध्ये मिळते.
ICICI बँक आणि HDFC बँक दोन्ही त्यांच्या निवडक ATM मध्ये कार्डलेस (Cardless) रोख पैसे काढण्याची सुविधा देत आहेत. हळूहळू ही सेवा इतर बँकांच्या एटीएममध्येही उपलब्ध होणार आहे. तुम्ही कार्डशिवाय बँकेतून पैसे कसे काढू शकता ते जाणून घेऊया.
कार्डशिवाय पैसे कसे काढायचे? –
ही सेवा वापरण्यासाठी, वापरकर्त्यांना प्रथम बँकेला विनंती करावी लागेल. त्यानंतर ही सेवा त्यांच्या कार्डवर सुरू होईल. आयसीआयसीआय (ICICI) बँकेचे ग्राहक ही सेवा कशी वापरू शकतात ते जाणून घ्या.
- सर्वप्रथम तुम्हाला ICICI बँक मोबाईल अॅपवर जावे लागेल.
- येथे तुम्हाला कार्डलेस कॅश विड्रॉलच्या पर्यायावर क्लिक करावे लागेल.
- आता वापरकर्त्याला रक्कम आणि 4 अंकांचा तात्पुरता पिन सेट करावा लागेल. यानंतर, तुम्हाला ज्या खाते क्रमांकावरून पैसे काढायचे आहेत तो क्रमांक निवडावा लागेल.
- पुष्टी केल्यानंतर तपशील तुमच्या स्क्रीनवर दिसतील.
- तुम्हाला कन्फर्म बटणावर क्लिक करावे लागेल.
एटीएममध्ये या स्टेप्स फॉलो कराव्या लागतील ? –
ही सेवा सक्रिय होताच तुम्हाला 6 अंकी कोड मिळेल. हा कोड यूजर्सच्या नोंदणीकृत मोबाईल नंबर (Mobile number) वर येईल. तुम्ही हा कोड फक्त 6 तास वापरू शकता. त्यानंतर तुम्हाला आणखी काही स्टेप्स फॉलो कराव्या लागतील.
सर्वप्रथम तुम्हाला तुमच्या जवळच्या ATM (ICICI बँक) मध्ये जावे लागेल. तेथे वापरकर्त्याला नोंदणीकृत मोबाइल क्रमांक, तात्पुरता 4-अंकी पिन, 6-अंकी कोड (जो तुमच्या मोबाइल नंबरवर आला असेल) आणि पैसे काढण्याची रक्कम प्रविष्ट करावी लागेल.
हे सर्व तपशील तपासल्यानंतर वापरकर्त्यांना एटीएममधून पैसे मिळतील.