Benefits Of Turmeric : हळद हा आपल्या अन्नाचा अविभाज्य भाग आहे. हळद फक्त पदार्थांची चवच वाढवत नाही तर आपल्याला अनेक आजारांपासूनही दूर ठेवते. हळदीमध्ये असलेल्या अँटी-बॅक्टेरियल गुणधर्मामुळे आपण त्याचा त्वचेवरही वापर करतो. तसेच रिकाम्या पोटी हळदीचे पाणी पिण्याचाही सल्ला आयुर्वेद तज्ञ देतात. म्हणूनच आजच्या या लेखात आपण याच्या फायद्यांबद्दल जाणून घेणार आहोत. चला तर मग…
रिकाम्या पोटी हळदीचे पाणी पिण्याचे फायदे-
-हळदीमध्ये असलेले दाहक-विरोधी गुणधर्म संधिवात आणि ऑस्टियोआर्थराइटिसच्या उपचारात मदत करतात. हळदीमध्ये असलेले अँटीऑक्सिडंट्स शरीरातील पेशींना नुकसान करणारे फ्री रॅडिकल्स नष्ट करतात. अशातच जर तुम्ही सांधेदुखीने त्रस्त असाल तर दररोज हळदीचे पाणी पिण्याचा सल्ला दिला जातो. यामुळे तुम्हाला लगेच अराम मिळतो.
-हळदीच्या पाण्याचे रोज सेवन केल्याने चयापचय वाढू शकतो. हे पाचन विकारांवर नियंत्रण ठेवण्यास मदत करू शकते. हळदीमध्ये असलेले कर्क्यूमिन संयुगे पित्ताशयाला पित्त स्राव करण्यासाठी उत्तेजित करतात, तसेच पित्त पचनास मदत करते. हे यकृत डिटॉक्स करण्यासही मदत करते. हळदीचे पाणी नियमितपणे रिकाम्या पोटी प्यायल्याने गॅस किंवा पोट फुगण्याचीही लक्षणे कमी होण्यास मदत होते.
-हळदीमध्ये नैसर्गिक अँटी-बॅक्टेरियल आणि अँटीसेप्टिक गुणधर्म आढळला. अशातच जर तुम्हाला छातीत जळजळ, पोटदुखी होत असेल तर हळदीचे पाणी पिण्याचा सल्ला दिला जातो, तसेच हळदीचे पाणी जखमा किंवा संक्रमण जलद बरे होण्यास मदत करते. यामुळे रोगप्रतिकारक शक्तीही मजबूत होते.
-ज्यांना वजन कमी करायचे आहे त्याच्यासाठी रिकाम्या पोटी हळदीचे पाणी पिणे अत्यंत फायदेशीर ठरू शकते. हळदीच्या पाण्यात थोडासा आल्याचा रस घाला आणि ते मिश्रण उकळवा आणि थंड झाल्यावर ते प्या. त्यामुळे तुमचे वजन कमी होण्यास मदत होईल. याशिवाय हळद कर्करोगाशी लढा देण्यासाठी, हृदय निरोगी ठेवण्यास आणि तणाव दूर करण्यासही मदत करते.