Coriander Leaves Water Benefits : कोथिंबीरीचा भारतातील प्रत्येक घरांमध्ये केला जातो, कोथिंबीरीच्या पानांचा वापर जेवणाची चव वाढवण्यासोबतच सजावटीसाठीही केला जातो. मात्र, तुम्हाला माहिती आहे का कोथिंबीर आरोग्यासाठीही खूप फायदेशीर आहे. होय, कोथिंबिरीच्या पानामध्ये पोषक तत्व आढळतात, जे अनेक आरोग्य समस्या कमी करण्यास मदत करतात.
कोथिंबिरीच्या पानात क्वेर्सेटिन नावाचे तत्व असते, जे चयापचय वेगवान करण्यास मदत करते. वजन कमी करण्यासाठी तुम्ही कोथिंबिरीचे पाणीही पिऊ शकता. कोथिंबीरचे पाणी डिटॉक्स ड्रिंक म्हणून चांगले काम करते. कोथिंबीरीचे पाणी वजन कमी करण्यासाठी उपयुक्त आहे. याशिवाय त्वचेशी संबंधित अनेक समस्याही दूर होतात.
रिकाम्या पोटी कोथिंबीरीचे पाणी पिण्याचे फायदे :-
-कोथिंबिरीच्या पानामध्ये व्हिटॅमिन सी असते, जे शरीराची प्रतिकारशक्ती मजबूत ठेवण्यास मदत करते. व्हिटॅमिन सी पांढऱ्या रक्त पेशींचे कार्य सुधारण्यास मदत करते. शिवाय, ते लोह शोषण्यास देखील मदत करते. दररोज सकाळी रिकाम्या पोटी कोथिंबीरीचे पाणी प्यायल्यास रोगप्रतिकारक शक्ती वाढते.
-कोथिंबीरीचे पाणी रोज सकाळी रिकाम्या पोटी पिणे आतड्यांसाठी फायदेशीर आहे. कोथिंबिरीच्या पानांमध्ये फायबर असते, जे पचनाच्या समस्या दूर करण्यास मदत करते. फायबरमुळे आतड्यांचे आरोग्यही सुधारते. कोथिंबिरीच्या पानांचे पाणी प्यायल्याने अपचन, अ‍ॅसिडिटी, गॅस, मळमळ आणि बद्धकोष्ठता यासारख्या समस्यांपासून आराम मिळतो.
-कोथिंबिरीच्या पानांमध्ये व्हिटॅमिन ए आणि ई असतात, जे अँटिऑक्सिडंट असतात. कोथिंबीरीचे पाणी प्यायल्याने त्वचेचे फ्री रॅडिकल्सपासून संरक्षण होते. कोथिंबीरीची पाने देखील जंतुनाशक, अँटीफंगल आणि अँटीबॅक्टेरियल म्हणून काम करतात. कोथिंबीरीचे पाणी रिकाम्या पोटी प्यायल्यास त्वचेची जळजळ आणि लालसरपणा कमी होण्यास मदत होते. तुम्हाला हवे असल्यास कोथिंबीरीचा फेस पॅकही लावू शकता.
-कोथिंबीरीचे पाणी प्यायल्याने वजन कमी होण्यासही मदत होईल. यामध्ये फायबर असते, जे वजन कमी करण्यास मदत करते. यासोबतच कोथिंबिरीच्या पानांमध्ये क्वेर्सेटिन नावाचे तत्व असते, जे चयापचय वाढवते आणि वजन कमी करण्यास मदत करते. कोथिंबीरीचे पाणी प्यायल्याने शरीर डिटॉक्स होते. यामुळे फॅट आणि कॅलरी बर्न होतात.
-कोथिंबीरीच्या पानांचे पाणी पिणे मधुमेहाच्या रुग्णांसाठी फायदेशीर आहे. जर तुम्ही मधुमेहाचे रुग्ण असाल तर रोज सकाळी तुमच्या आहारात कोथिंबीरचे पाणी प्या. कोथिंबीरीच्या पानांचे पाणी इन्सुलिन स्राव उत्तेजित करते, ज्यामुळे रक्तातील साखर नियंत्रणात राहते.
कोथिंबीरीचे पाणी कसे बनवायचे?
-यासाठी तुम्ही कोथिंबीर घ्या.
-त्यांना चांगले धुवा.
-आता कोथिंबीर पाण्यात उकळा.
-हे पाणी गाळून प्या.
-हे पाणी तुम्ही सकाळी रिकाम्या पोटी पिऊ शकता.