Mangal Shani Yuti 2024 : वैदिक ज्योतिषशास्त्रात सर्व ग्रहांचे स्वतःचे विशेष महत्त्व आहे. शनि हा क्रूर ग्रह मानला जातो. तर मंगळाला ग्रहांचा सेनापती म्हटले जाते. शनिदेव व्यक्तीला त्याच्या कर्माच्या आधारे फळ देतात. ज्याच्या कुंडलीत शनीची स्थिती बलवान असते त्याला जीवनात यश आणि आर्थिक लाभ होण्याची शक्यता असते. जीवनात येणाऱ्या समस्यांपासून सुटका मिळते.
मंगळ हा भूमी, शक्ती, भाऊ, उर्जा, धैर्य, पराक्रम आणि शौर्याचा कारक मानला जातो. कुंडलीतील मजबूत स्थानामुळे व्यक्तीचे समाजातील स्थान आणि प्रतिष्ठा वाढते. तसेच आत्मविश्वास वाढतो. कुटुंबात आनंदाचे वातावरण राहते. दोन्ही ग्रहांचा संयोग 30 वर्षांनंतर कुंभ राशीत होत आहे. त्यामुळे विनाशकारी योग तयार होत आहेत.
मंगळ आणि शनीचा संयोग शुभ मानला जात नाही, पण काही राशीच्या लोकांना त्याचा फायदा होणार आहे. तर काही राशीच्या लोकांनी सावध राहण्याची गरज आहे. मंगळ 15 मार्च रोजी कुंभ राशीत प्रवेश करेल, शनी आधीच येथे उपस्थित आहे. या संयोगाचा प्रभाव एप्रिल अखेरपर्यंत राहील.
‘या’ राशीच्या लोकांना सावध राहण्याची गरज
मंगळ आणि शनीच्या युतीमुळे तूळ, मकर, कन्या, कुंभ आणि मीन राशीच्या लोकांच्या अडचणी वाढू शकतात. या काळात लोकांनी सावध राहण्याची गरज आहे. तुम्हाला आर्थिक अडचणींचा सामना करावा लागू शकतो. विचारपूर्वक कर्ज द्या. रागावर नियंत्रण ठेवा. वैवाहिक जीवनात विलंब होऊ शकतो. जोडीदाराशी वाद टाळा.
‘या’ राशींना होणार लाभ
-वृषभ राशीच्या लोकांसाठी शनि आणि मंगळाचा संयोग खूप फायदेशीर ठरेल. करिअर आणि बिझनेसशी संबंधित चांगली बातमी मिळू शकते. प्रगतीची शक्यता आहे. पदोन्नती मिळू शकते. उत्पन्न वाढेल.
-ग्रहांची ही भेट मिथुन राशीच्या लोकांसाठी देखील शुभ राहील. एप्रिल अखेरपर्यंत लाभ होईल. विद्यार्थ्यांसाठी हा काळ अनुकूल राहील. व्यवसायात लाभ होईल. नोकरीच्या नवीन संधी मिळतील. यश आणि प्रवासाची शक्यता आहे.
-कुंभ राशीचे लोक भाग्याच्या बाजूने असतील. आत्मविश्वास आणि ऊर्जा वाढेल. प्रदीर्घ प्रलंबित कामे पूर्ण होतील. आर्थिक स्थिती मजबूत होईल. लग्नाची शक्यता आहे. व्यवसायाचा विस्तार होईल.