Turmeric Side Effects : आयुर्वेदाच्या परंपरागत उपचार पद्धतीत हळदीचा वापर अनेक शतकांपासून होतोय. म्हणूनच हळद भारतीय संस्कृतीचा अविभाज्य भाग आहे. याचे अनेक फायदे आहेत. हे आपल्या आरोग्यासाठी खूप फायदेशीर मानले जाते. हळदीचा वापर प्रत्येक भारतीय घरांमध्ये केला जातो. अन्नाची चव वाढण्यासोबतच हळद आपल्या आरोग्यसाठी देखील फायदेशीर आहे.
आयुर्वेदात हळदीचा उपयोग औषध म्हणून केला जातो. हळदीमध्ये अँटीसेप्टिक आणि अँटीबायोटिक, कॅल्शियम आयर्न सोडियम एनर्जी प्रोटीन, व्हिटॅमिन ई, व्हिटॅमिन सी आणि फायबर असे गुणधर्म असतात जे आरोग्यासाठी फायदेशीर मानले जातात.
परंतु काही लोकांसाठी हळद हानिकारक मानली जाते. होय, याच्या सेवनामुळे अनेकांना गंभीर समस्यांना सामोरे जावे लागू शकते. इतकेच नाही तर हळदीचे अतिसेवन काही लोकांसाठी मूत्रपिंड आणि यकृताच्या आरोग्यास हानी पोहोचवू शकते. आज आम्ही तुम्हाला अशा लोकांबद्दल सांगणार आहोत ज्यांनी हळदीचे जास्त सेवन करू नये आणि त्याच्या अतिसेवनाने काय हानी होते, चला तर मग…
‘या’ लोकांनी जास्त प्रमाणात करू नये हळदीचे सेवन !
-किडनीच्या रुग्णांनी हळदीचे जास्त सेवन करू नये. हळदीमध्ये असलेले कर्क्यूमिन हे अशा रुग्णांसाठी हानिकारक आहे. वास्तविक, त्यात ऑक्सलेटचे प्रमाण जास्त असते. इतकंच नाही तर त्यात असलेल्या कर्क्युमिनचा तापमानवाढीचा प्रभाव असतो, ज्यामुळे रुग्णांना डायरिया आणि पचनसंस्थेचा त्रास होऊ शकतो. हे रक्त देखील पातळ करते. त्यामुळे आणखी समस्या उद्भवू शकतात.
-मधुमेहाच्या रुग्णांनीही हळद जास्त प्रमाणात खाऊ नये. यामुळे त्यांना वाईट परिणाम जाणवू शकता. अशा लोकांनी आपल्या जेवणात हळद जास्त प्रमाणात घेणे टाळावे.
-खरं तर हळदीचा प्रभाव गरम असतो. या कारणास्तव, ज्या लोकांना नाकातून रक्तस्त्राव होतो त्यांनी त्याचे सेवन टाळावे. तसेच काविळीचा त्रास असलेल्यांना हळद खाण्यास मनाई आहे. याच्या सेवनामुळे काविळीची समस्या आणखी वाढते.
-हळदीमध्ये असलेले कर्क्यूमिन तत्व आरोग्यासाठी हानिकारक मानले जाते. तसेच शरीराला अनेक प्रकारे हानी पोहोचवते. जरी यामुळे बऱ्याच लोकांना हानी होत असली तरी, रोग प्रतिकारशक्ती वाढवून आणि संक्रमण दूर ठेवून निरोगी लोकांसाठी ते फायदेशीर मानले जाते.
अशा लोकांनी किती हळद वापरावी ?
प्रत्येकाने रोज फक्त एक चमचा हळद खावी. यापेक्षा जास्त सेवन केल्यास आरोग्याला हानी पोहोचते. याचे जास्त प्रमाणात सेवन केल्याने पोटाशी संबंधित समस्या उद्भवू शकतात.
