अहमदनगर Live24 टीम,31ऑक्टोबर 2020 :- सध्या जग कोरोनाने हैराण झाले आहे. सर्वांचे लक्ष कोरोना लशीकडे लागलेले आहे. यासंदर्भात ब्रिटेनमधील कोरोना व्हायरस व्हॅक्सीन टास्कफोर्सचे अध्यक्ष केट बिंघम यांनी आशा व्यक्त केली की यावर्षी ख्रिसमसपर्यंत ऑक्सफोर्ड विद्यापीठ आणि अ‍ॅस्ट्रॅजेनेका यांनी विकसित केलेली कोरोना व्हायरस लस बाजारात येईल.
ते म्हणाले की कोरोना विषाणूच्या अनेक लस ख्रिसमस किंवा 2021 च्या सुरुवातीस उपलब्ध होतील. तथापि, त्यांनी जे वक्तव्य केले आहे त्यानुसार कोरोना लसीची वाट पाहत असलेल्या जगाला जरा धक्का बसू शकतो.
द लाँसेट या वैद्यकीय जर्नलमध्ये केट बिंघम यांनी लिहिले की कोरोनासाठी सुरुवातीच्या लस अपूर्ण असू शकतात आणि त्यामुळे या लसीचा परिणाम सर्वांवरच परिणामकारक होईल असे नाही.
यूकेच्या लसीकरण टास्कफोर्सचे प्रमुख केट बिंघम यांनी लिहिले आहे की, कोविड -19 ही लस परफेक्ट होणार नसल्याची शक्यता जास्त आहे. म्हणून आपण बेफिकीर राहू नये आणि अति-आशावाद टाळणे महत्वाचे आहे.
ते म्हणाले, कदाचित पहिल्या टप्प्यात लोकांपर्यंत पोहोचणारी लस परिपूर्ण नसेल आणि त्यात काही कमतरता असू शकतात. ते म्हणाले की कोरोना लस सर्व लोकांसाठी कार्य करेल हे आवश्यक नाही.
केट म्हणाले की, लस किती दिवसात बनविली जाईल आणि ती कधी बनविली जाईल हे या क्षणाला आम्हालाही माहिती नाही.
वृद्धांना इंतजार करावा लागेल :- केटच्या मते, 65 वर्षापेक्षा जास्त वयाच्या व्यक्तींसाठी परफेक्ट लसची प्रतीक्षा जास्त असू शकते.
ते म्हणाले की ही लस जरी बनविली तरी ती सर्वांपर्यंत पोहोचवणे हे एक मोठे आव्हान असेल आणि तेथे कोरोनाचा प्रसार होण्याचा धोका असेल.
तथापि, ऑक्सफोर्ड युनिव्हर्सिटीच्या शास्त्रज्ञांनी सांगितले की तिचे आणि अ‍ॅस्ट्रॅजेनेकाच्या लसीचे सुरुवातीच्या परिणामांमुळे वृद्धांवरही परिणाम दिसून आला आहे, जो दिलासा देणारा आहे.
फायझर लस लवकरच येण्याची शक्यता आहे :- त्याचबरोबर फाइजर (Pfizer) या अमेरिकन औषध कंपनीने यंदा लस उपलब्ध होण्याची शक्यता वर्तविली आहे.
कंपनीचे मुख्य कार्यकारी अल्बर्ट बुर्ला म्हणाले की जर क्लिनिकल टेस्टिंग अपेक्षेप्रमाणे गेली आणि नियामकांनी मान्यता दिली तर 2020 मध्येच
अमेरिकेकडे सुमारे 40 दशलक्ष डोस पुरविता येऊ शकतात. या वर्षाच्या अखेरीस अमेरिकेच्या सरकारकडून 40 दशलक्ष डोस लस पुरविण्याचे कंत्राट फायझरला मिळाले आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved