Farmer Scheme : जर तुम्ही शेतकरी कुटूंबातील असाल तर आज आम्ही तुम्हाला पोस्ट ऑफिसची लाखो रुपये मिळवून देणाऱ्या योजनेबद्दल सांगणार आहे. यासाठी तुम्ही सविस्तर बातमी समजून घ्या.
पोस्ट ऑफिसच्या या योजनेचे नाव ग्राम सुरक्षा योजना असे आहे. ही योजना बरीच प्रसिद्ध आहे. यामध्ये ग्रामीण भागातील लोकांना आर्थिक व सामाजिक मदत केली जाते. त्याची सर्वात महत्वाची गोष्ट म्हणजे यामध्ये तुम्हाला रोज फक्त 50 रुपये गुंतवावे लागतात आणि त्यावर तुम्हाला उत्कृष्ट परतावा मिळतो.
ग्राम सुरक्षा योजनेचा लाभ कसा मिळवावा?
यामध्ये दररोज 50 रुपये म्हणजेच महिन्याला 1500 रुपये गुंतवावे लागतात. त्यानंतर या योजनेत 31 लाख ते 35 लाख रुपयांचा परतावा मिळतो. जर गुंतवणूकदार 80 वर्षांच्या वयात मरण पावला, तर त्याच्या नॉमिनीला बोनससह संपूर्ण रक्कम मिळते.
या योजनेत कोण गुंतवणूक करू शकते?
19 वर्षे ते 55 वर्षे वयोगटातील कोणताही भारतीय नागरिक ग्राम सुरक्षा योजनेत गुंतवणूक करू शकतो. यामध्ये किमान 1,000 ते 10 लाख रुपये गुंतवले जाऊ शकतात. प्रीमियम भरण्यासाठी अनेक पर्याय देखील दिले आहेत. गुंतवणूकदार मासिक, त्रैमासिक, सहामाही किंवा वार्षिक आधारावर हप्ता भरू शकतात.
पैसे कधी मिळतील?
गुंतवणूकदाराला 55 वर्षात 31,60,000 रुपये मिळतात. 58 मध्ये 33,40,000 रुपये आणि 60 वर्षांत 34.60 लाख रुपये आणि 80 वर्षे पूर्ण झाल्यावर संपूर्ण रक्कम सुपूर्द केली जाते.
चार वर्षांची कर्ज प्रक्रिया समजून घ्या
ग्राम सुरक्षा पॉलिसी खरेदी केल्यानंतर तुम्ही कर्ज देखील मिळवू शकता. पॉलिसी खरेदी केल्यापासून 4 वर्षांनी कर्ज मिळू शकते. याशिवाय, पॉलिसीच्या मुदतीदरम्यान प्रीमियम भरण्यात डिफॉल्ट असल्यास, तुम्ही थकित प्रीमियम रक्कम भरून ते पुन्हा सुरू करू शकता. अशा प्रकारची सरकारची ही एक शेतकऱ्यांसाठी उत्तम योजना आहे.