Pradhan Mantri Ujjwala Yojana : पंतप्रधान नरेंद्र मोदी यांच्या अध्यक्षतेखालील आर्थिक घडामोडींच्या मंत्रिमंडळ समितीने शुक्रवारी प्रधानमंत्री उज्ज्वला योजना (PMUY) अंतर्गत एक मोठी घोषणा केली आहे.
या निर्णयानुसार यामध्ये 200 रुपये प्रति एलपीजी सिलिंडरची सबसिडी एका वर्षासाठी वाढवली आहे. ग्रामीण आणि वंचित गरीब कुटुंबांना LPG पुरवण्यासाठी, केंद्र सरकारने गरीब घरातील महिलांना मोफत LPG कनेक्शन देण्यासाठी मे 2016 मध्ये PMUY लाँच केले. शासनाच्या या योजनेंतर्गत, अनुदान थेट पात्र लाभार्थ्यांच्या बँक खात्यात जमा केले जाते.
दरम्यान, या योजनेअंतर्गत वर्षभरात 12 गॅस सिलिंडरचे वितरण केले जाते. प्रत्येक सिलिंडरवर 200 रुपये सबसिडीचा लाभ ग्राहकांना मिळत आहे. एकंदरीत, एका वर्षात 2400 रुपयांपर्यंत सबसिडी मिळू शकते. 1 मार्च 2023 पर्यंत PMUY चे 9.59 कोटी लाभार्थी आहेत.
उज्ज्वला योजनेच्या लाभार्थ्यांना मोठा दिलासा
1 मार्च 2023 पर्यंत, प्रधानमंत्री उज्ज्वला योजनेचे 9.59 कोटी लाभार्थी आहेत. विविध भू-राजकीय कारणांमुळे एलपीजीच्या आंतरराष्ट्रीय किमतीत मोठी वाढ झाल्याचे सरकारी प्रकाशनात म्हटले आहे. PMUY लाभार्थ्यांसाठी या योजनेची तारीख वाढवण्याचा मुख्य उद्देश गरिबांना एलपीजीच्या चढ्या किमतींपासून वाचवणे हा आहे.
कोणाला फायदा होईल?
या योजनेचा लाभ सर्व पात्र लाभार्थ्यांना मिळणार आहे. अशा वेळी देशातील PMUY ग्राहकांचा सरासरी LPG वापर 2019-20 मधील 3.01 रिफिलवरून 20 टक्क्यांनी वाढून 2021-22 मध्ये 3.68 झाला आहे.
PMUY म्हणजे काय?
या योजनेअंतर्गत वर्षभरात 12 अनुदानित गॅस सिलिंडर दिले जातात. प्रत्येक सिलिंडरवर 200 रुपये सबसिडी मिळते. या योजनेंतर्गत वर्षभरात 2400 रुपयांपर्यंतचा लाभ ग्राहकांना मिळतो.