SCSS : एकदा का रिटायरमेंट झाली की नंतर आपल्या बचतीविषयी सर्वचजण जागृत असतात. जिथे तोटा होण्याची भीती असते तिथे तो आपल्या कष्टाने कमावलेला पैसा कधीही गुंतवणूक करत नाही. याचे कारण म्हणजे वयाची 60 वर्षे असलेला गुंतवणूकदार सामान्यत: पुरातन मताचा असतो आणि त्याला बाजारात जोखीम घ्यायची नसते.
या लोकसांसाठी एक सरकारी स्कीम, पोस्ट ऑफिस लघुबचत योजनेत समाविष्ट असलेली ज्येष्ठ नागरिक बचत योजना (एससीएसएस) हा ज्येष्ठ नागरिकांसाठी लोकप्रिय पर्याय आहे. पोस्ट ऑफिसची योजना असल्याने सुरक्षेची 100 टक्के हमी असते.
व्याजदर, ठेवमर्यादा आणि पात्रता
सीनियर सिटीजंस सेविंग्‍स स्कीम (SCSS) योजनेत कमाल ठेवमर्यादा 30 लाख रुपये आहे. यापूर्वी ही मर्यादा 15 लाख रुपये होती. यंदाच्या अर्थसंकल्पात याची घोषणा करण्यात आली होती. 1 एप्रिल 2023 पासून या योजनेवरील व्याजदर 8.02 टक्के करण्यात आला आहे.
डिसेंबर तिमाहीसाठी व्याजदर स्थिर आहेत. या योजनेत किमान एक हजार रुपयांची गुंतवणूक करता येते. एससीएसएसमधील गुंतवणुकीला प्राप्तिकर कायद्याच्या कलम 80C अंतर्गत 1.50 लाख रुपयांपर्यंतच्या गुंतवणुकीवर करसवलत मिळू शकते.
ज्येष्ठ नागरिक बचत योजनेत अशी सुविधा आहे की, तुम्ही पती-पत्नी असाल तर संयुक्त खातेही उघडू शकता. नवरा-बायको दोन वेगवेगळी खाती ही उघडू शकतात. अशा तऱ्हेने जास्तीत जास्त 60 लाख रुपये (एका खात्यात 30 लाख रुपये) दोन वेगवेगळ्या खात्यांमध्ये जमा केले जाऊ शकतात.
5 वर्षांच्या मॅच्युरिटीनंतर तुम्ही हे खाते आणखी 3 वर्षांसाठी वाढवू शकता. जर तुमचे वय 60 वर्षांपेक्षा जास्त असेल किंवा 55 ते 60 वर्षे वयोगटातील निवृत्त कर्मचारी ज्यांनी वॉलंटियरी रिटायरमेंट स्कीम (VRS) घेतली असेल किंवा रिटायर्ड डिफेंस कर्मचारी ज्यांचे वय किमान 60 वर्षे असेल तर ते देखील खाते उघडू शकतात.
दोन वेगवेगळ्या खात्यांवर गणना
जास्तीत जास्त ठेव : 60 लाख रुपये
व्याजदर : 8.02 टक्के वार्षिक
मॅच्युरिटी पीरियड: 5 वर्षे
मासिक व्याज: 40,100 रुपये
तिमाही व्याज: 1,20,300 रुपये
वार्षिक व्याज: 4,81,200 रुपये
पाच वर्षांतील एकूण व्याज : 24,06,000
कुल रिटर्न: 84,06,000 लाख रुपये (60,00,000 रुपये + 24,06,000)
एकल खात्याची गणना
जास्तीत जास्त ठेव : 30 लाख रुपये
व्याजदर : 8.02 टक्के वार्षिक
मॅच्युरिटी पीरियड: 5 वर्षे
मासिक व्याज: 20,050 रुपये
तिमाही व्याज: 60,150 रुपये
वार्षिक व्याज: 2,40,600 रुपये
पाच वर्षांतील एकूण व्याज : 12,03,000 रुपये
टोटल रिटर्न: 42,03,000 लाख रुपये (30,00,000 रुपये + 12,03,000)