Financial Tips:- दोन दिवसांनी 2024 या नवीन वर्षाची सुरुवात होत असून प्रत्येक नवीन वर्षामध्ये बरेच व्यक्ती अनेक संकल्प करतात व ते संकल्प पूर्ण करण्यासाठी प्रयत्न करत असतात. याच बाबतीत जर आपण आर्थिक नियोजनाच्या संबंधित काही महत्त्वाच्या गोष्टींचा विचार केला तर त्या खूप महत्त्वाच्या असतात.
पैशांच्या बाबतीत किंवा आर्थिक नियोजनाच्या बाबतीत आपल्याला असलेल्या छोट्या छोट्या सवयींचा फार मोठा परिणाम हा आपल्या पैशांच्या नियोजनावर होत असतो. कारण आपण व्यवसाय किंवा नोकरी करून पैसा कमावतो. परंतु या कमावलेल्या पैशाचे योग्य नियोजन न केल्यामुळे कष्ट करून पैसा कमावून देखील आपल्याकडे पैसा राहत नाही.
त्यामुळे तुम्ही छोटी रक्कम देखील कमवत असाल परंतु त्या रकमेचे नियोजन किंवा त्या पैशांची नियोजन जर योग्य पद्धतीने करत असाल तर कमी पैशात देखील तुम्हाला पैशांची टंचाई किंवा पैशांची चिंता जाणवणार नाही. कारण आपल्या शून्य आर्थिक नियोजनामुळे कितीही पैसा कमावला तरी देखील आपल्याकडे बऱ्याचदा पैसा राहत नाही.
त्यामुळे अशा काही महत्त्वाच्या पाच बाबी आहेत या बाबींचा अवलंब तुम्ही जर या नवीन वर्षामध्ये केला तर येणाऱ्या प्रत्येक वर्षात तुम्हाला पैशांची टंचाई भासणार नाही हे मात्र निश्चित.
या गोष्टींवर लक्ष केंद्रित करा आणि पैशांची टंचाईपासून दूर राहा
1- उत्पन्न व खर्चाचा ताळमेळ– सगळ्यात महत्त्वाचे म्हणजे तुम्ही कमवत असलेला पैसा किंवा तुमची उत्पन्न आणि तुमचा होत असलेला खर्च यामध्ये तुम्हाला ताळमेळ साधता येणे खूप गरजेचे आहे. म्हणजेच तुम्ही किती पैसा कमवत आहात आणि खर्च किती करत आहात हे तुम्हाला जेव्हा कळते तेव्हा तुम्ही त्याचा वापर खूप योग्य प्रकारे करायला लागतात.
याकरिता काही बरेचसे अनावश्यक खर्च केले जातात. परंतु असे अनावश्यक खर्च टाळण्याचा प्रयत्न करणे खूप गरजेचे आहे. म्हणजे ज्या ठिकाणी तुम्हाला पैसे वाचवता येणे शक्य आहे त्या ठिकाणी पैसा वाचवणे खूप महत्त्वाचे आहे. त्यामुळे तुमचा येणारा पैसा आणि खर्च होणारा पैसा यामध्ये ताळमेळ साधणे खूप गरजेचे आहे.
2- गुंतवणुकीच्या नवनवीन मार्गांचा शोध– तुम्ही जो काही पैसा कमावता ते चांगल्या ठिकाणी गुंतवणुकीचे नवीन मार्गाचा शोध घेणे खूप गरजेचे आहे. त्यामुळे तुम्ही या नवीन वर्षाच्या सुरुवातीला गुंतवणुकीचे नवीन मार्ग शोधण्याचा प्रयत्न करा व अशा ठिकाणी छोट्या रकमेपासून का होईना परंतु गुंतवणुकीला सुरुवात करा.
कारण गुंतवणूक ही संपत्ती वाढवण्याच्या दृष्टिकोनातून खूप महत्त्वाचे आहे. कारण पैशांची बचत करण्याला महत्त्व आहेच.परंतु त्या बचतीची योग्य ठिकाणी गुंतवणूक करणे देखील तितकेच महत्त्वाचे आहे.
3- पैसे खर्च करा परंतु स्मार्टली– बऱ्याच व्यक्तींना नको त्या ठिकाणी पैसे खर्च करण्याची सवय असते. परंतु तुम्हाला पैशांच्या टंचाईपासून दूर राहायचे असेल तर तुम्हाला तुमची पैसे खर्च करण्याची पद्धत बदलणे खूप गरजेचे आहे. तुम्ही जर गरजेपेक्षा कमीत कमी खर्च करून पैसा जास्तीत जास्त पैसा वाचवला तर तो पैसा तुम्ही वाढवू शकतात.
आर्थिक दृष्टीने फार मोठा फटका बसेल अशा गोष्टींपासून तुम्ही दूर राहणे गरजेचे आहे. त्यामुळे नको त्या ठिकाणी आणि महागड्या अशा खर्चावर नियंत्रण ठेवणे खूप महत्त्वाचे ठरते. जेव्हा तुम्ही असे करायला लागल तेव्हा तुमच्या खर्चाला तुम्ही प्राधान्य द्यायला सुरुवात कराल.
4- उत्पन्नाचे स्त्रोत वाढवा– एकच उत्पन्नाच्या साधनावर अवलंबून न राहता एकापेक्षा जास्त उत्पन्नाच्या संधी शोधायचा या वर्षात प्रयत्न करा. एकापेक्षा जास्त उत्पन्नाच्या संधी उपलब्ध झाल्या तर खूप फायदा होतो. यामुळे तुमच्या एकूण आर्थिक उत्पन्नामध्ये सुरक्षितता येते.
5- नवीन वर्षात रियल इस्टेट मधील गुंतवणूक ठरू शकते फायद्याची– तुम्ही जर रियल इस्टेटमध्ये गुंतवणूक केली तर ही गुंतवणूक खूप फायद्याची आणि आर्थिक हमीची ठरू शकते. रियल इस्टेटमधील गुंतवणूक प्लॅन हा तुमचा फायद्याचा ठरू शकतो. त्यामुळे तुम्हाला शक्य असेल तेव्हा तुमचे पैसे रिअल इस्टेटमध्ये गुंतवणूक करण्याचा प्रयत्न करणे खूप गरजेचे आहे.