Pension Plan : म्हातारपण आरामदायी घालवायचे असेल तर त्यासाठी योग्य वेळी निवृत्ती योजना आखणे फार महत्वाचे बनते. जर तुम्ही योग्य वेळी निवृत्तीचे नियोजन केले नाही तर तुम्हाला नंतर अनेक समस्यांचा सामना करावा लागू शकतो. म्हणूनच योग्य वेळी त्याचे नियोजन करणे फार महत्वाचे आहे. बाजारात सध्या अनेक निवृत्ती योजना आहेत, ज्याच्या मदतीने तुम्ही तुमचे म्हातारपण अगदी आरामात घालवू शकता. आज आम्ही अशाच काहीशा योजना घेऊन आलो आहोत. जिथे तुम्ही गुंतवणूक करून तुम्ही तुमचे पुढचे आयुष्य कोणत्याही अडचणीशिवाय जगू शकता.
महागाईच्या या काळात योग्य वेळी निवृत्तीसाठी स्वत:ला तयार करणे महत्त्वाचे आहे. जेणेकरुन म्हातारपणी आरामदायी आणि शांत जीवन जगता येईल. काही लोक याला विलंब करतात. पण तुम्ही योग्य वेळी गुंतवणूक करून ही चूक सुधारू शकता. म्हातारपणासाठी पेन्शन योजना निवडण्यापूर्वी, आपल्या खर्चाची विशेष काळजी घेणे फार आवश्यक आहे. बाजारात अशा काही योजना आहेत, ज्याच्या मदतीने तुम्ही वृद्धापकाळासाठी चांगला निधी तयार करू शकता. चला या योजनांवर एक नजर टाकूया..
HDFC लाइफ सिस्टिमॅटिक पेन्शन योजना
ही एक नॉन-लिंक्ड सहभागी वैयक्तिक बचत योजना आहे, 18 वर्षे ते 75 वर्षे वयोगटातील लोक यामध्ये गुंतवणूक करू शकतात. यामध्ये गुंतवणुकीला मर्यादा नाही. पॉलिसीची मुदत किमान 5 वर्षे आणि कमाल 40 वर्षे आहे. यामध्ये नियमित, एकल आणि मर्यादित वेतनाचा पर्याय आहे. योजनेअंतर्गत बोनस आणि कर्ज लाभ देखील उपलब्ध आहेत.
कॅनरा एचएसबीसी लाइफ गॅरंटीड इनकम 4 लाईफ प्लॅन
या पेन्शन योजनेअंतर्गत तुम्हाला निवृत्तीनंतर निश्चित मासिक उत्पन्न मिळते. यामध्ये प्रीमियम संरक्षणाचा पर्याय देखील उपलब्ध आहे. तुम्ही तुमच्या जोडीदाराचे भविष्यही सुरक्षित करू शकता. यामध्ये सॉर्ट टू मिडियम टर्म पर्याय उपलब्ध आहे. या अंतर्गत तुम्ही कर्जाचा देखील लाभ घेऊ शकता. यात उच्च प्रीमियम बूस्टर सुविधा देखील उपलब्ध आहे. या योजनेअंतर्गत आजीवन उत्पन्नाचा पर्यायही उपलब्ध आहे.
एलआईसी एंडोमेंट प्लान
ही LIC ची ULIP योजना आहे, जी तुम्हाला निवृत्तीनंतर आर्थिक सुरक्षा प्रदान करू शकते. 90 दिवस ते 50 वर्षे वयोगटातील व्यक्ती यामध्ये गुंतवणूक करू शकते. यात किमान प्रीमियम रक्कम 3000 रुपये प्रति महिना आहे.