Post Office : जर तुम्ही सध्या गुंतवणुकीचा विचार करत असाल, आणि सुरक्षित गुंतवणूक पर्याय शोधात असाल तर पोस्ट ऑफिस आरडी तुमच्यासाठी उत्तम पर्याय ठरेल. होय, पोस्ट ऑफिस आरडी वरील व्यजदरात वाढ झाली असून, तुम्ही तुमच्या गुंतवणुकीवर उत्तम परतावा मिळवू शकता, तसेच तुम्हाला सुरक्षिततेची हमी देखील मिळते.
नुकतेच अल्पबचत योजनेचे व्याजदर जाहीर करण्यात आले आहेत. केंद्र सरकारने ऑक्टोबर-डिसेंबर 2023 तिमाहीसाठी 5-वर्षीय पोस्ट ऑफिस रिकरिंग डिपॉझिट (RD) वरील व्याज दरात 0.2 टक्के वाढ केली आहे. आता अशा ठेवींवर ६.७ टक्के व्याज दिले जात आहेत.
पोस्ट ऑफिस रिकरिंग डिपॉझिटमधील बदलाव्यतिरिक्त, इतर कोणत्याही योजनेत बदल करण्यात आलेला नाही. सरकारने किसान विकास पत्र (KVP), ज्येष्ठ नागरिक बचत योजना (SCSS) सारख्या बहुतांश लहान बचत योजनांचे व्याजदर चालू आर्थिक वर्षाच्या तिसऱ्या तिमाहीसाठी अपरिवर्तित ठेवले आहेत.
SCSS च्या व्याजदरात कोणताही बदल नाही. SCSS वर व्याजदर फक्त 8.2 टक्के राहील. त्याचप्रमाणे मासिक उत्पन्न खाते योजनेवर ७.४ टक्के व्याज असेल. त्याचप्रमाणे जर आपण राष्ट्रीय बचत प्रमाणपत्राबद्दल बोललो तर राष्ट्रीय बचत प्रमाणपत्रावर ७.७ टक्के, सार्वजनिक भविष्य निर्वाह निधीवर ७.१ टक्के, किसान विकास पत्रावर ७.५ टक्के आणि सुकन्या समृद्धी खाते योजनेवर पूर्वीप्रमाणे ८ टक्के व्याज असेल.
जुलै-सप्टेंबर 2023 या तिमाहीसाठी लहान बचत योजनांवरील व्याजदरात 30 बेसिस पॉइंट्सने वाढ करण्यात आली आहे. विशेषतः, ही दुरुस्ती 1-वर्ष आणि 2-वर्षांच्या मुदत ठेवी आणि 5-वर्षांच्या आवर्ती ठेवींसाठी (RD) होती.
त्याचप्रमाणे, जर आपण अलीकडील एप्रिल आणि जून तिमाहीबद्दल बोललो, तर एप्रिल-जून तिमाहीत 70 बेसिस पॉइंट्सपर्यंत वाढ झाली आहे. यामध्ये सर्वात मोठी वाढ एनएससीच्या व्याजदरात झाली आहे. त्याचा व्याजदर ७.७ टक्के आहे, जो पूर्वी ७ टक्के होता. सुकन्या समृद्धी योजनेच्या व्याजदरातही वाढ करण्यात आली. सुकन्या समृद्धी योजनेचे व्याज ७.६ टक्क्यांवरून ८ टक्के करण्यात आले. ज्येष्ठ नागरिक बचत योजना (SCSS) साठी व्याज दर 8.2 टक्के आहे, किसान विकास पत्रासाठी 7.6 टक्के आहे.