PPF Scheme Tips : भारतात गुंतवणुकीचे अनेक मार्ग आहेत. काही लोक गुंतवणुकीसाठी पब्लिक प्रॉव्हिडंट फंडात (पीपीएफ) गुंतवणूक करतात. पीपीएफ योजनेच्या माध्यमातून लोक दीर्घ मुदतीत चांगले पैसे कमवू शकतात. ज्या लोकांना दीर्घकालीन बचत करायची असते त्यांना पीपीएफ योजनेमुळे खूप फायदा होऊ शकतो.
नोकरदार लोकांसाठीही ही योजना खूप खास आहे कारण या गुंतवणूक योजनेत सरकारी गॅरंटी असते. मात्र, गुंतवणूक करणाऱ्यांनी काही गोष्टीही लक्षात ठेवल्या पाहिजेत जेणेकरून त्यांना कोणत्याही समस्येला सामोरे जावे लागणार नाही. चला जाणून घेऊया त्याबद्दल.
सध्या पीपीएफ योजनेतून लोकांना 7.1 टक्के व्याज मिळते. दर तीन महिन्यांनी व्याजदराचा आढावा घेतला जातो. पीपीएफ योजनेवरील व्याज निश्चित नसून सरकार त्याचा आढावा घेऊन त्यात बदल करू शकते.
पीपीएफ योजनेअंतर्गत लोक एका आर्थिक वर्षात किमान 500 रुपयांची गुंतवणूक करू शकतात. एका आर्थिक वर्षात जास्तीत जास्त दीड लाख रुपयांची गुंतवणूक करता येते. त्याचबरोबर आर्थिक वर्षात पीपीएफ खात्यात 500 रुपये जमा केले नाहीत तर पीपीएफ खाते बंद होईल म्हणजेच ते निष्क्रिय होईल,
हे गुंतवणूकदारांनी लक्षात घ्यायला हवं. अशावेळी तुमचे अकाऊंट पुन्हा सुरु करण्यासाठी तुम्हाला दंड भरावा लागतो. त्यामुळे तुम्ही कधीही 500 रुपये जमा न करण्याची चूक करू नये.
पीपीएफ योजनेच्या माध्यमातून लोक कर वाचवू शकतात आणि प्राप्तिकर विवरणपत्र भरताना 80 सी चा वापर करून 1.5 लाख रुपयांची सूट मिळवू शकतात.
पीपीएफ योजनेअंतर्गत लोक 15 वर्षांसाठी या योजनेत गुंतवणूक करू शकतात. 15 वर्षांनंतरच लोकांना मॅच्युरिटीची रक्कम मिळणार आहे. जर एखाद्या व्यक्तीला 15 वर्षांनंतरही पीपीएफ खाते सुरू ठेवायचे असेल तर त्याला 5 वर्षांच्या ब्लॉकमध्ये पीपीएफ खाते चालू ठेवावे लागेल.