Multibagger stock : शेअर मार्केटमध्ये असे अनेक स्टॉक आहेत, जे कमी कालावधीत गुंतवणूकदारांना उत्तम परतावा देतात. आज आम्ही तुम्हाला अशाच एका स्टॉकबद्दल सांगणार ज्याने अल्पावधीतच गुंतवणूकदारांना जोरदार परतावा दिला आहे. या शेअरमध्ये गेल्या तीन वर्षात कमालीची वाढ झाली आहे. या मल्टीबॅगर स्टॉकने आपल्या गुंतवणूकदारांना 2100% पेक्षा जास्त परतावा दिला आहे.
बांधकाम आणि औद्योगिक क्षेत्रासाठी फोर्जिंग बनवणाऱ्या रामकृष्ण फोर्जिंग्सच्या शेअर्समध्ये गेल्या 3 वर्षांत मोठी वाढ पाहायला मिळाली. या कालावधीत मल्टीबॅगर कंपनीचे शेअर्स 29 रुपयांवरून 650 रुपयांपर्यंत वाढले आहेत. मेटल स्टॉक रामकृष्ण फोर्जिंग्सच्या शेअर्सने गेल्या 3 वर्षांत गुंतवणूकदारांना 2100% पेक्षा जास्त परतावा दिला आहे. कंपनीच्या शेअर्सची 52 आठवड्यांची उच्च पातळी 688.80 रुपये आहे.
31 जुलै 2020 रोजी बॉम्बे स्टॉक एक्स्चेंज (BSE) वर रामकृष्ण फोर्जिंग्जचे शेअर्स 28.97 रुपयांवर ट्रेडिंग करत होते. 23 ऑगस्ट 2023 रोजी कंपनीचे शेअर्स BSE वर 659 रुपयांवर वर ट्रेडिंग करत आहेत. रामकृष्ण फोर्जिंग्जच्या शेअर्सने गेल्या 3 वर्षांत गुंतवणूकदारांना 2178% परतावा दिला आहे. जर एखाद्या व्यक्तीने 31 जुलै 2020 रोजी रामकृष्ण फोर्जिंग्सच्या शेअर्समध्ये 1 लाख रुपये गुंतवले असतील आणि कंपनीचे शेअर्स विकले नसतील तर या शेअर्सचे सध्याचे मूल्य 22.74 लाख रुपये झाले असते.
एका वर्षात 263 टक्के परतावा
रामकृष्ण फोर्जिंग्जच्या शेअर्समध्ये गेल्या एका वर्षात २६३% वाढ झाली आहे. 23 ऑगस्ट 2022 रोजी कंपनीचे शेअर्स बीएसईवर 181.85 रुपयांवर होते. BSE मध्ये 23 ऑगस्ट 2023 रोजी रामकृष्ण फोर्जिंगचे शेअर्स 659 रुपयांवर पोहोचले आहेत. या वर्षी आतापर्यंत कंपनीच्या शेअर्समध्ये 149% वाढ झाली आहे. त्याच वेळी, गेल्या 6 महिन्यांत, रामकृष्ण फोर्जिंग्जचे शेअर्स सुमारे 147% वाढले आहेत. कंपनीच्या शेअर्सची 52 आठवड्यांची नीचांकी पातळी 175.50 रुपये आहे.
कंपनी काय करते?
रामकृष्ण फोर्जिंग्स लिमिटेड ही ऑटो अ‍ॅन्सिलरीज क्षेत्रातील एक प्रमुख सक्रिय कंपनी आहे. त्याची स्थापना 1981 मध्ये झाली. ही स्मॉल कॅप कंपनी असून तिचे मार्केट कॅप 4871.83 कोटी रुपये आहे. रामकृष्ण फोर्जिंग्स भारतातील टाटा मोटर्स, अशोक लेलँड, व्हीई कमर्शियल आणि डेमलर, व्होल्वो, मॅक ट्रक्स, इवेको, डीएएफ, स्कॅनिया, MAN, UD ट्रक्स आणि फोर्ड ओटोसन या कंपन्यांना आवश्यक घटकांचा पुरवठा करते.