Post Office : आजच्या काळात प्रत्येकाला करोडपती बनायचे आहे. पण वाढत्या महागाईमुळे हे स्वप्न प्रत्यक्षात आणणे फार कमी लोकांना जमते. कारण महागाईच्या तुलनेत बहुतेक लोकांना त्यांचा घर खर्च भागवणे आणि बचत करणे फार कठीण बनते. अशातच थोडीफार बचत केली तरी ते पैसे गुंतवायचे कुठे, असा प्रश्न अनेकांना पडतो.
म्हणूनच आज आम्ही तुम्हाला अशाच एका स्कीमबद्दल सांगणार आहोत, ज्यामध्ये गुंतवणूक करून तुम्ही फक्त 5 वर्षात मोठा फंड गोळा करू शकता. तुम्ही येथे गुंतवणूक करून व्याजातूनच मोठी कमाई करू शकता, तसेच येथे केलेली तुमची गुंतवणूक सुरक्षित देखील राहील. आणि पैसे गमावण्याचा धोका देखील राहणार नाही.
आम्ही पोस्टऑफिसच्या टाईम डिपॉझिट योजनेबद्दल बोलत आहोत , येथे गुंतवणूक करून तुम्ही दीर्घकाळात मोठा निधी गोळा करू शकता. यामध्ये गुंतवणूक करून तुम्ही 1.5 लाख रुपयांपर्यंतचा कर लाभ देखील मिळवू शकता. तसेच तुम्ही अगदी 1000 रुपयांपासून गुंतवणूक सुरू करू शकता.
तुम्ही पोस्ट ऑफिस टाइम डिपॉझिटमध्ये 1 वर्ष ते 5 वर्षांपर्यंत गुंतवणूक करू शकता. हे वेगवेगळ्या वर्षांसाठी वेगवेगळे रिटर्न देते. उदाहरणार्थ, तुम्ही त्यात एका वर्षासाठी गुंतवणूक केल्यास तुम्हाला ६.८% परतावा मिळेल. तर 2 वर्षांच्या गुंतवणुकीवर 6.9% परतावा दिला जातो आणि त्याचप्रमाणे 5 वर्षांच्या गुंतवणुकीवर 7.5% परतावा मिळतो. या योजनेत तुमचे व्याज दर महिन्याला मोजले जाते, जे तुम्हाला दरवर्षी मिळते.
कशी होईल कमाई ?
समजा तुम्ही 5 वर्षांसाठी 5 लाख रुपये टाईम डिपॉझिटमध्ये गुंतवले आहेत. आता त्यावर ७.५ टक्के दराने व्याज मिळेल. मॅच्युरिटीनंतर म्हणजेच ५ वर्षांनी तुम्हाला ७,२४,१४९ रुपये मिळतील. ज्यामध्ये 5 लाख रुपये तुमची गुंतवणूक असेल आणि उर्वरित तुमचे व्याज उत्पन्न असेल. यामध्ये तुम्हाला ते आणखी एकदा वाढवण्याची सुविधाही मिळते. याचा अर्थ, जर तुम्ही ते आणखी 5 वर्षे वाढवले तर तुम्ही मॅच्युरिटीवर 10,00,799 रुपये कमवू शकता.